سەرۆكێ بنگەهێ لالش پیرۆزباهیێ ل رێڤەبەرێ گشتی یێ پەروەردا دهۆكێ دكت
تۆرا لالش یا راگەهاندنێ/دهۆك
بەرێز”شێخ شامۆ”سەرۆكێ دەستەیا بلندا بنگەهێ لالش یێ رەوشەنبیری و كۆمەلایەتی ل دهۆكێ،ئیرۆ رۆژا دووشەمبوویێ 27ی تەباخا 2018ێ،سەرەدانا رێڤەبەریا گشتی یا پەروەردا پارێزگەها دهۆكێ كر و پیرۆزبایی ل بەرێز”عومەر عەلی” كر ب مەرەما وەرگرتنا پۆستێ رێڤەبەریا گشتی یا پەروەردێ.
د پەیڤەكێ دا بەرێز”شێخ شامۆ”بەحسێ گرنگیا پرۆسێسا پەروەردێ كر و سوپاسیا رێڤەبەرێ گشتی كر،بۆ هەڤكاریا وی یا بەردەوام لگەل بنگەهێ لالش وهیڤی خواستن ئەڤ هەڤكاریە یا بەردەوام بت.
ژبال خۆ ڤە رێڤەبەرێ گشتی یێ پەروەردێ رۆلێ بنگەهێ لالش بلند نرخاند د خزمەتا پرانیا تەخ و چینێن جڤاكی دا،ب تایبەت سوپاسیا”شێخ شامۆ” سەرۆكێ بنگەهی كر بۆ پشتەڤانیا وی یا بەردەوام لگەل دام و دەزگەهین پەروەردێ.
تُتاح هذه الصورة أيضا في: کوردی
