موەلیدێن كارەبێ بۆ كەمپا ئێسیان دێ ئێنە دابینكرن
تۆرا لالش یا راگەهاندنێ
لسەر داخوازا خەلكێ كەمپێ،موەلیدێن كارەبا ئەهلی بۆ كەمپا ئێسیان یا ئاوارێن شنگالێ ل سنوورێ قەزا شێخان دێ ئێنە دابینكرن.
رێڤەبەرێ كەمپا ئێسیان یا ئاوارێن شنگال(دیار بیبۆ)بۆ رۆژناما ده‌نگێ لالش ئاشكەراكر،بریارە موەلیدێن كارەبێ یێن ئەهلی بۆ كەمپا ئێسیان ل سنوورێ قەزا شێخان بێنە دابینكرن،پشتی وەرگرتنا رازەمەندیا پارێزگەها دهۆكێ كادر وكارمەندێن راكێشانا كارەبێ دەست ب راكێشانا وایر وكێبەلان كرینە ژبۆ دروستكرنا موەلیدا وبەردانا كارەبێ بۆ خەلكێ كەمپێ،ئەڤ بریارە هاتە پەسەندكرن پشتی خەلكێ كەمپێ چەندین جاران داخوازی كرین.
ژ لایەكی دی ڤە بەرپرسێ كەرتان ل كەمپێ(دەخیل خەلەف) بۆ رۆژناما ده‌نگێ لالشگۆت:گەلەك جاران خەلكێ كەمپێ داخوازی ژ جیێن پەیوەندیدار و رێكخراوێن مرۆڤی نە حكومی كریە، ژبۆ باشكرن و زێدەكرنا دەمژمێرێن بەردانا كارەبا نشتیمانی وب تایبەتی ل شەڤێ ونیڤا رۆژێ دا لێ ئەڤ داخوازیە بێ مفا بوو هاتە رەتكرن ونەهاتە بجهئینان،لەوما ئەم نەچاربوون داخوازیا دانانا موەلیدێن ئەهلی ژبۆ خەلكێ كەمپێ بكەین،هەروەسا نهۆ كارەبا نشتیمانی پتر ژ(10) دەمژمێران ب سەرێكڤە دئێتە برین.
تُتاح هذه الصورة أيضا في: کوردی
