جڤاتا شنگال: هندەك كەسان نەڤێت شنگال خۆش بت
باسنيوز:
سەرۆكێ جڤاتا قەزا شنگال دیار كر حەشدا شەعبی نۆكە ب هاریكاریا خەلكێ شنگال بازرگانیێ ب روندكێن دایكێن شنگالیان دكەت وهندەك كەس شەڤانە ب دوو دەفتەرێن دۆلاری رازی نابن، ئەوان نەڤێت شنگال خۆش بیت چونكو دێ بەرژەوندیێن وان هێنە تێكدان.
وەیس نایف بەدل، سەرۆكێ جڤاتا قەزا شنگال بۆ(باسنیوز) دیاركر:” ئەو كەسێن بازرگانیێ ب كەیسا شنگال دكەن هیچ پێنگاڤەكێ نەڤاهێژن بۆ ڤەكرنا گۆرێن بكۆم و زڤرینا 360 ھزار كەسێن ئێزدی یێن سالا 2014ێ ژبەر تیرۆرستێن داعش ئاوارەبووین. نۆكە كەسێن شنگال رێڤەدبەن مفادارن، وان نەڤێت ئێدارا شەرعی بزڤرت. ئەو بەردەوام پلان دووڤ پلانێ دانن رەوش ل شنگال خۆش نەبیت. شنگالیان دووری شنگال دكەن ژبەر كارێن خوە بازرگانی. وان ئاگەه ژ رەوشا لێقەومایێن شنگال نینە و ئەو كەس ب پشتەڤانیا حەشدا شەعبی بۆ شنگالیان ئاستەنگا دروست دكەن “.
خویا ژی كر:” ئێك ترۆمبێل بێ دانا باجێ ژ شنگال دەرباز نابیت بتایبەتی ژی ل ام شبابیك وگەلەك دەڤەرێن دی. هەر كەسەكێ ئێك بزنێ ژی بینت پێدڤیە پێنچ هزار دیناران بدەت. هندەك كەس شەڤانە هەتا دوو دەفتەرێن دولاری رازی نابن هەكە ژیان ل شنگال ڤەگەرت بەرژەوندیا وان دهێنە تێكدان”.
تُتاح هذه الصورة أيضا في: کوردی
