بەرپرسێ لقێ ١٧ يێ پارتى جه‌ژنا چلێ هاڤينێ ل ئێزديان پیرۆز دكت
بەرپرسێ لقێ ١٧ يێ پارتى ديموكراتى كوردستان ل شنگال،جه‌ژنا چلێ هاڤينێ ل هه‌موو ئێزدیێن كوردستانێ و جيهانێ پیرۆز دكت.
ب هه‌لكه‌فتنا هاتنا جه‌ژنا چلێ هاڤینێ یا ئێزدیان، پیرۆزباهیه‌كا گه‌رم ل هه‌موو خوشك و برایێن ئێزدی یێن كوردستانێ و جيهانێ دكه‌ین، هیڤیدارین ئه‌ڤ جه‌ژنه ب خێر و خۆشى بۆ كوردستانێ بگشتی و بۆ خوشك و برایێن ئێزدی ب تایبه‌تى ڤه‌گه‌رت. ئه‌م خۆشحالین كو ئیسال بۆ جارا ئێكێ پشتى جینۆسایدا شنگالێ و چارسال ده‌ربازبووين، خوشك و برایێن ئێزدى بۆ جه‌ژنێ سه‌ره‌دانا لالشا نوورانى دكن.هه‌ر دڤێ هه‌لكه‌فتێ دا قوربانیێن وان هه‌موو كاره‌ساتان بیر تینین یێن كو بسه‌رێ ئێزديان هاتين، ب تایبه‌تى ژى هێرشا تیرۆرستێن داعشێ لسه‌ر ده‌ڤه‌رێن شنگالێ و ده‌ردۆرێن وێ كو د ئه‌نجا دا هه‌ژماره‌كا مه‌زن یا خوشك و برایێن مه یێن ئێزدی شه‌هید بوون و هاتنه ڕه‌ڤاندن، ب هه‌زاران ژى ئاواره‌بوون. هیڤیدارین جه‌ژن و بیرهاتنێن بێن، خوشك و برایێن مه یێن ئێزدی ڤه‌گه‌رنە سه‌ر جيێن ئازاد و ئاڤه‌دانكری یێن خۆ، ره‌ڤاندى یێن ده‌ستێ تیرۆرستان ژی دا ئازاد ببن. ئازادكرنا وان ئێك ژ كارێن هه‌ری مەزنە ل کارێ پارتی و تایبەت کارێ رێزدار نێچرڤان بارزانی وئەڤ ئاخفتنا بارزانی (ھەتا یێن مه‌یه و هه‌موو خوشك برایێن ئێزدی رزگارببن ، ئه‌م دێ لسه‌ر هه‌ول و كارێن خۆ بۆ رزگاركرنا وان به‌رده‌وام بین)،جاره‌كا دی جه‌ژنا چلێ هاڤینێ ل هه‌موو خوشك برایێن ئێزدی پیرۆز دكه‌ین، هه‌ر سال ب خێر و خۆشى بت.
قادر قەچاخ
بەرپرسێ لقێ ١٧يێ پارتى ديموكراتى كوردستان ل شنگال
٢/٨/٢٠١٨
تُتاح هذه الصورة أيضا في: کوردی
