نڤیسینگەها لالش مەهەتێ خۆلەكا ب هێزكرنا مادێ بیركاریێ بۆ 35 قوتابیان ڤەكر
تۆرا لالش یا راگەهاندنێ
دچارچۆڤەیێ درێژی دان ب بەرنامێ ڤەكرنا خۆلێن ب هێزكرنا خووندنێ و گرنگی دان ب هاریكاریكرنا قوتابیان،نڤیسینگەها لالش مەهەتێ،ئیرۆ 8/8/2016،خۆلەكا ب هێزكرنا مادێ بیركاریێ بۆ 35 قوتابیێن ئاوارە یێن پۆلا شەشێ زانستی ل هۆلا لالش ل كۆمەلگەهێ ڤەكر.
ب ئامادەبوونا”مەروان داود سیتو”جێگرێ بەرپرسێ نڤیسینگەها لالش و”سلێمان جندی” ئەندامێ نڤیسینگەهێ ئەڤ خۆلە هاتە ڤەكرن و د دوو پەیڤێن جودا دا بۆ قوتابیان رۆناهی دانە سەر گرنگیا خووندنێ و زانستی و سۆزدانە قوتابیان بەردوام بن ل سەر هاریكاری و پشتەڤانیكرنا وان.
ئەڤ خۆلە بۆ ماوێ هەیڤەكێ دێ یا بەردەوام بت و وانە ژئالیێ مامۆستا”سموشەمو” ڤە دئێنە پێشكێشكرن.
دبەردەوامیدانا چالاكیێن خۆدا،نڤیسینگەها لالش مەهەتێ،ل ماوەیێ رۆژێن بۆری چەند خۆلێن دی یێن ب هێزكرنێ بۆ قوتابیان ل كۆمەلگەهێ ڤەكربوون.
تُتاح هذه الصورة أيضا في: کوردی
