بنگه‌هێ لالش هەوەکا پاقژکرنێ یا بەرفرەهـ ل ناحیا باعەدرێ ئەنجام دا
تۆرا لالش:
ب مەرەما پاراستنا ژینگەهێ و پەیداکرنا سیمایەکێ جوان و بهێزکرنا هۆشیاریێ و سڤککرنا بارێ گرانێ کارمەندێن شارەوانیێ ، ئیرۆ رۆژا چارشەمبوویێ رێکەفتی (8ی ئادارا 2023ێ) بنگەهێ لالش باعەدرێ ب هەڤکاری دگەل کارگێریا ئامادەیا باعەدرێ یا تێکەل رابوون ب هەوەکا پاقژکرنێ یا بەرفرەهی ل ناحیا باعەدرێ.
هەوا نافهاتی ب پشکداریا بەرپرسێ دەستەیا کارگێڕی یا بنگەهێ لالش مامۆستا ( خلات باعەدری) و ئەندامێن دەستەیێ و مامۆستا و قوتابیێن ئامادەیێ ل دەردۆرێن سکرێ ناحیا باعەدرێ دەستپێکر و دەمێ چەند دەمژمێران ڤە کێشا.
پشتی ماندووبوونەکا زۆر ژلایێ خۆبەخشێن ڤێ هەوێ ژمارەکا زۆریا کیسێن گلێشی هاتنە خرڤەکرن و ژئالیێ کەنالێ سەما تیڤی ڤە هاتە رۆمالکرن.
هەژی گوتنێ یە ئەنجامدانا ڤان جۆرە هەوان ژلایێ بنگەهێ لالش باعەدرێ بۆ چەندین جارێن دیتر هاتییە ئەنجامدان ب مەرەما پاراستنا ژینگەها دەڤەرێ.
