ئازار 28, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

رائد غانم:هەیڤا نیسانێ‌ دگۆتنێن مەزنان دا

هەیڤا نیسانێ‌ دگۆتنێن مەزنان دا
رائد غانم

بێگۆمان هەیڤا نیسانێ‌ هەیڤەكا گرنگە ل جەم ئێزدیان و دڤێ‌ هەیڤێ‌ دا دنیا ب ڕەنگەگی دی یێ‌ جوان و سپەهی خۆ د خەملینت و كراسەكێ‌ سۆر دكەتە بەرخۆ، خەملەكا جوان وەكی بووكا خەملاندی لێ‌ دئێت، و ڤێ‌ هەیڤێ‌ تایبەتیا خۆ د ژیانا ئێزدیان دا یا هەی، و پیرۆزترین جەژنا ئێزدیان دكەڤتە د ڤێ‌ هەیڤێ‌ دا ئەوژی جەژنا چارشەمبوویا نیسانێ‌ یە.
گەلەك گۆتن و بەژن بڤێ‌ هەیڤێ‌ هاتینە ڤەهووناندن بۆ نموونە:
1- تاڤەك ژ تاڤێت بارانێ‌, ل مەها نیسانێ‌, هێژا یە باگورانێ‌ زێری ل نێڤا دیوانێ‌, و دیسا گۆتییە:مالێ‌ خۆرستانێ‌.
2- سبەهێت نیسانێ‌ دئێن ژ كەزەبا زڤستانێ‌.
3- نیسان بووكا سەر بووكا ڕا یە.
4- هەشتی نیسانێ‌,گەنمی د همبانێ‌.
5- دەوارا نەكڕە ل نیسانێ‌ و ژنا نە بژێرە ل دیلانێ‌.
6- داركێت گزری بهێلە بۆ ساركێت نیسانێ‌.
7- وەرسێ‌ هەیڤا نیسانێ‌, چێترە ژ سێ‌ گێسنا د مەها گولانێ‌.
8- ل نیسانێ‌ ژ نوو بگرە دەرێ‌ كۆتانێ‌.
9- نیسان دبێژت :ئەز بووكا سالێ‌ مە.
10-ئەگەر بارانێت نیسانێ‌ ببەنە كەر, ل ناڤ دەخلا نە كەنە دەر.
11- ڕۆژ بوونە سال, زك بوونە چال, كاڤانی بوونە بەقا, نان بوونە تەقال.
12- هاتی هەیڤا نیسانێ‌, بگرن نەقەبێت كۆتانێ‌, نە ل هێرە بەلێ‌ ل دەشتا خانێ‌.
13- نیسان ناچت بێ‌ گول, گولان ناچت بێ‌ مل. 14- نیسان مەشكا بارانێ‌ یە. 15- ئاڤە تیكێت نیسانێ‌, بگرن كۆنێت كۆتانێ‌. 16- بیست و چارێ‌ نیسانێ‌, گامێش چۆنە گارانێ‌, هاتنە ڤە گۆنی دانێ‌. 17- نیسانێ‌, ماستی ل كیسانێ‌,بەر دەرێ‌ هەموو مالانێ‌. 18- كابانیێ‌ نەزانێ‌, شیرێ‌ تە یێت قازانێ‌, كانی ڕوونێ‌ نیسانێ‌. 19- هەكە نیسان نڤست, خمسە دێ‌ بیتە مست, هەكە نیسانێ‌ كرە غار, خمسە دێ‌ بتە تغار. 20- نیسانێ‌ گۆتە ئادارێ‌: تە كوتێ‌ تژی كە, ئەز دێ‌ دنیایێ‌ ب گولا نەقشینم. 21- تاڤەكە بارانێ‌, ل سەرێ‌ نیسانێ‌ هێژایە بەرانێ‌ براهیم خەلیل و مالێ‌ خۆرستانێ‌,و چێترە ژ باگورانێ‌ زێری ل سەرێ‌ دیوانێ‌. 22- بارانێن نیسانا لاوا دگرینن, و پیرا دكەنینن. 23- كابانیێ‌ نەزانێ‌، شیرێ‌ تە یێت قازانێ‌، كانی روونێ‌ نیسانێ‌.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi