زیارەتبوون د ئێزدیاتیێ دا
ئلیاس نەعمۆ خەتاری
زیارەتبوون : ئانکو رێزگرتن و رومەتەکە مەزن بۆ وی کەسی یان بۆ وی جھی ئەو جھێ لێ زێارەتی دبن دەمێ مرۆڤ قەستا جھەکی یان کەسەکی دکەت ، خۆ کنتکرن وزیارەتبوون ل دەستی و سەری یان سەر و چاڤان یانژی ھندەک جھێن تایبەت کو پیرۆزیەک لجەم مللەتەکی ھەبت وەکی د ئاینێ مە یێ ئێزدیاتیدا دەمێ زیارەتبوونا خەلکێ مە یێ ئێزدی ل دەرچکێت خاسا و زیارەتبوونا قوب و نیشانگەھان و زێوان و مەزەلان ، ھەردیسان زیارەتبوون ل خەلات و بەراتان وئاخین باب چاکان ، زیارەتبوون ل دەستێن شێخ وپیران وەک رێزگرتنەک ژبۆ خودانێ وان ، چۆنکی لدەمێ زیارەتبوونێ نابێژنێ کا دەستێ تە دا لێ زیارەتی بم بەلکو دبێژنێ کا دەستێ خودانی ئانکو خودانێ تە ، ھەر دیسان د ئێزدیاتیێدا چۆنا دەستێن کەسێن دان عەمر گەلەکە فەرە و وەکی فەرزەکێ دئێتە حسابێ چی باب و باپیربن یانژی دایک و داپیربن یانژی ھەر کەسەکی مەزن دناڤ سالاندا چۆی بت وەک سومبلەک دناڤا جڤاکیدا یەفەرە لدەستێ وی زیارەتی بین .
ل ھێرە رامانا سەرەدانێ ئانکو سەرەدان و چۆنا بەر خاس وباب چاکێن مە ئێزدیان پ مەرەما زیارەتبوونێ و خۆھاڤێێتنێ و دوعاکرنێ ژ خودایێ مەزن لبەر وان خاس و نیشانگەھان ، زیارەتبوون لدەمێ عید وعەرەفاتان دئێنەکرن ب شێوەکی گشتی و لرۆژێن نۆرمال ژی دئێنەکرن ، ئانکو ھەر کەسێ بڤێتن زیارەتا جھەکی بکەت تشتەکی رەوایە لدیف حەزا وی کەسی ، لدەمێ زێارەتبوونێ ھڤی وداخوازی ژخودێ مەزن دئێنەکرن لبەر دەرچکێن خاسا وچرا وچەقەلتویێ ، خێر وخلمەت دکەڤتە د دلێ مرۆڤی دا لەوا مرۆڤ خێرێ داتنێتە سەر دەرچکێت خاسا و سەربرا دبەتە وێ دەرێ ودکەتە خێر ، مجێور وسەر دەریێن خاسا دوعایێن خێرێ وسلامەتێێ بۆ وان خەلکا دخوازن ، ئاخێ ل ئەنیا وان ددەن ، ھەر دیسان لرۆژێن عید و عەرەفاتان وتوافێن خاس وباب چاکێن مە ئێزدیان گەلەک جاران خودان خێر ب خێرا ناڤێ خودێ و تاوسی مەلەک دێ رابن پەریێن خاسا سوارکەن و لفێن سەرێن قوب و ھلێلا پیڤەکەن پ پیشکێشکڕنا گوژمەکی خێرێ ، ھەردیسان نائێتە ژبیرکرن لدەمێ ھاتنا عید و عەرەفاتان زۆربەیا خەلکێ بخۆ خێرێن ھەمو جۆر دکەن وەکی پێشکێشکرنا خیرێن مادی و خێرێن زادی بۆ فەقیر وبەلنگازان ھەردیسان قۆناغکرنا تاوسا شیخادی و قۆناغا بزرێ شیخادی دبنە ژ جۆرێن خێرێ لدەمێ خەلکێ وی گوندی قەستا مالا قوناغ لێ دکەن ودچنە بەر تاوسێ وبەر بزری زیارەتی دبن .
زیارەت ناڤەک ژ ناڤێن لالشا پیرۆزە ھەر جھەکی مرۆڤ گەلەگ حەز ژێ بکەت دەمێ مرۆڤ بەرێ خۆ ددەتێ وقەستا وی جھێ دکەت دبێژنێ زیارەت و خۆ نێزیکرن بۆ خودایێ مەزن ، دئێتە بیرا گەلەکا ژمە بەرێ مەدگۆت دێ چێنە زیارەت وھەتا ئیرۆ رۆژ گەلەک ئێزدی دبێژنە لالشێ زیارەت ، لالش جھێ ھەری مەزن و پیرۆزە ئێکو خەلک ومللەتێ ئێزدی قەستا وی جیھی دکەن ب مەرەما زیارەت بوونێ ، دێ بینێ کەسێ ئیزدی لدەمێ دچتە زیارەت ئانکو لالشا پیرۆز دچتە بەر خاس وباب چاک ونیشانگەھان وھەر جھەکی مینا سەر حەودا و کانیا سپی وقابیا شیخادی و زمزمێ وھەمو جھین دییێن پیرۆز ل گەلیێ لالشێ ب مەرەما زیارەتبوونێ .
تُتاح هذه الصورة أيضا في: کوردی
