شوبات 05, 2023

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

داریان سەعید:ما ژیێ‌ من یێ‌ خووندنێ‌ یە؟!

ما ژیێ‌ من یێ‌ خووندنێ‌ یە؟!
داریان سەعید
ل هەموو پارچەیێن ڤی عەردی، خووندن ب گرنگترین رەوشەنبیریەت دئێتە زانین، ژبەر ئەڤێ‌ یەكێ‌ فەرە ئەم مێشكێن خۆ فێری هندێ‌ بكەین كو خووندنێ‌ چ ژیێن دەستنیشانكری نینن و بۆ كۆمڤەكرنا زانیارییان د مێشكێ‌ خۆدا پێتڤییە هەموو دەما یێ‌ بەرهەڤ بی، ئەڤجا ئەڤ خووندنە چ یا فێرگەهێ‌ بت یان یا باوەرنامێ‌ یانژی یا خووندنا پەرتۆكێن دەرەكی بت.
ئەگەر بیێن و تەماشەی وەلاتێن پێشكەفتی د هەر بوارەكی دا بكەین دێ‌ بو مە دیار بت كو ستوونا سەرەكێ‌ یێ‌ وان پالپشتییا خۆ پێ‌ گەرم كری بۆ گەهشتنا وان دەستكەفت و پێشكەفتنا هەر خووندن بوویە، لەوما ئێدی د ڤی سەردەمێ‌ پێشكەفتی دا دڤێت بۆ مە یا خۆیا بت هەردەم دەمێ‌ خووندنێ‌ یە و چ جاران درەنگ نینە، گەلەك جاران هەركەس ژمە بۆ پەیتكرنا ماسولكەیێن خۆ یان بدەستڤەئینانا ساخلەمییەكا باش یا لەشی سەرەدانا هۆلێن وەرزشی دكەین و راهێنانێن ماسولكەییان دكەین، ئەرێ‌ هەوە چ جار نەدایە هزرا خۆ ئەرێ‌ مێشكێ‌ مە ژی پێتڤی ب پەیتكرن و راهێنانان نینە!؟.
چ پێنەڤت هوون دێ‌ بێژن بەلێ‌، یا مای ل ڤێدەرێ‌ بوومە خۆیا بوو كو باشترین راهێنانێن مێشكی ئەو ژی خووندنە، ژبلی دەما تۆ دچییە دڤێ‌ جیهانێ‌ دا گەلەك دێ‌ ئاشقی پەرتۆكێ‌ بی و چ جار كەس نكارت هەڤالینییا هەوە جودا كەت.
هەروەسا ژبۆ بدەستڤەئینانا ئەنجامێن باش ل سەر تە پێتڤییە وەكو خشتەك یان پلانەك تە هەبت و یا ڕۆژانە یان هەفتییانە بت و ئەو پەرتۆكێن توو د هەلبژێری د دەستنیشانكری بن، ل وی دەمی توو دێ‌ بتر یێ‌ پەهلەوان بی د وەرگرتنا زانیارییان دا، ئێدی بلا چەكێ‌ من و تە ل شوونا تڤەنگ و كلاشینكوڤێ‌ خووندنا پەرتۆكێ‌ بت، و چ جاران درەنگ نینە بۆ خووندنێ‌ و هەردەم ژیێ‌ تە یێ‌ خووندنێ‌ یە.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi