“پیر خدر سلێمان” راستیێن دیرۆكی یێن ئێزدیان ل هەولێرێ ئاشكەراكرن
تۆرا لالش یا راگەهاندنێ/هەولێر
لژێر دروشمێ(لالش كانیەكە زەلالە دهورتە درۆبارێ رەوشەنبیریا كوردی دا) نڤیسینگەها لالش ل هەولێرێ ب هەماهەنگی دگەل مەكتەبا سكرتاریەتا ئێكەتیا قوتابیێن كوردستانێ سمینارەك بۆ نڤیسەر و ڤەكۆلەرێ ئێزدى” ناس پیر خدر سلێمان” ل هۆلا سەنتەرێ ئالا ل باژێرێ هەولێرێ ئەنجام دا.
دسمینارێ دا كو بۆ قوتابیێن زانكۆ و پەیمانگەهان ل هەولێرێ هاتبوو رێكخستن نڤیسەر و ڤەكۆلەرێ ئێزدی ناس”پیر خدر سلێمان”بە‌‌‌حسا ئێزدیان و چاندا كوردی دناڤبەرا ئەرك ومافان دا كر و رۆناهی خستە سەر هندەك راستیێن دیرۆكی دەربارەی ئێزدیان كو هەتا نهۆ گەلەك نزانن.
دلایەكی دی یێ سمینارێ دا پیر خدر گۆت:”ئێزدی پشكەكا رەسەن یا كوردستانێ نە ب زمان و فلكلۆر و كەلتۆرێ خۆ”.
ڤەكۆلەری ئەو چەندە ژی دیاركر:” ئێزدی ئایینەكی ئاشتیخوازە و نەی تەبشیریە و نە مەترسیە لسەر چ كەسی”.
تُتاح هذه الصورة أيضا في: کوردی
