شاندەكی كەنیسا جۆرجیا سەرەدانا بنگەهێ لالش دكت
تۆرا لالش یا راگەهاندنێ/دهۆك
ئیرۆ رۆژا چارشەمبوویێ7/11/2018ێ ل بارەگایێ بنگەهێ لالش بەرێز”شێخ شامۆ”سەرۆكێ دەستەیا بلندا بنگەهێ لالش یێ رەوشەنبیری و كۆمەلایەتی ل دهۆكێ،پێشوازیا شاندەكی زەلامێن ئایینی ل كەنیسا ئانجیلیا محمدانیا ل وەلاتێ جۆرجیا یێ پێكهاتی ژ بەرێزان قەشە”مالخاز شونغولاشفیلی” و “ئلیا ئاوسیباشفیلی” كر.
ل دەستپێكا هەڤدیتنێ بەرێز”شێخ شامۆ” بخێرهاتنا شاندی كر،پاش رۆناهی ئێخستە سەر دامەزراندن و چالاكیێن بنگەهێ لالش ژ دەمێ دامەزراندنێ و هەتا نهۆ و دووپاتكر كو پەیوەندیێن بهێز دناڤبەرا پێكهاتێن گەلێ كوردستانێ و ژ وان ژی دناڤبەرا كرستیان و ئێزدیان دا هەیە و خۆرتكرنا ڤان پەیوەندیان ژ گرنگترین ئارمانجێن بنگەهێ لالشە،شێخی رۆنكر ژی بنگەهی ئەرشیفەكی تایبەت لسەر پاراستن و دكیۆمێنتكرنا ئێزدیاتیێ هەیە و بنگەهی ب رێیا تایی و نڤیسینگەهێن خۆ كاریە وان تاوانێن داعش دەرهەقی ئێزدیان دا ئەنجام داین دكیۆمێنت بكت.
ژ ئالیەكی دی ڤە شێخی رۆناهی دا سەر رەوشا ئاوارێن ئێزدی ل كەمپان دا و دووپاتكر كو كوردستانێ ب حكومەت و گەلێ خۆ ڤە ب ئەركێ خۆ رابوون هەمبەر خەلكێ خۆ یێ ئێزدی،بەلێ رەوشا وان زۆر یا خرابە ژبەركو ئەڤە چارسالێن دژوار ل كەمپێن ئاوارەبوونێ بسەر دا بۆرین.
ژبال خۆڤە شاندی سوپاسیا بەرێز”شێخ شامۆ” كر بۆ پێشوازیا گەرم لێ هاتی كرن و قەشە “مالخاز شونغولاشفیلی” دیاركر كو بزاڤ و چالاكیێن بنگەهێ لالش جیێ رێزگرتنێ یە،تەكەزكر ژی ئارمانجێن كەنیسا وان پێشڤەبرن و خۆرتكرنا پرۆسا پێكڤەژیانێ یە دناڤبەرا پێكهاتەیان دا،دووپاتكر كەنیسا ئانجیلیا محمدانیا دێ رابت ب بهێزكرنا پەیوەندیان لگەل پێكهاتێن زۆرداری لێ هاتی كرن ب تایبەت ئێزدیان چنكو ئەو تووشی كرێترین تاوانان بووینە ب تایبەت پشتی 2014ێ،هەروەسا قەشەی دیاركر پاراستنا ئایینێ ئێزدیان ئەركە لسەر تەڤ جیهانا ئاشتیخواز.
ل داویێ هەردوو قەشە ب ئارمێ بنگەهێ لالش ژبال سەرۆكێ بنگەهێ لالش ڤه هاتن خەلاتكرن بۆ بەرەڤانیكرنا وان ژ ئێزدیان.
بۆ زانین هەر ئێك ژ بەرێزان”پیر دیما” كەسایەتیێ ئایینی و جڤاكی یێ بەرنیاس ل جۆرجیا و سەماحەتا پێشیمام و بابا چاویش دگەل شاندی دا بوون.
تُتاح هذه الصورة أيضا في: کوردی
