ئێزدیان هەردەم رەسەناتیا خۆ پاراستینە
بیرهات هارون رەشید
رامانەكا پری بهێز و پیرۆز ددەت دیرۆك شاهدحالێ ڤێ یەكێ یە،ئێزدی ئەو كەسن حەز و ڤیانەكا مەزن د دلێ وان دایە ژبۆ ئاخ و ئالا و وەلات وپیرۆزی ودەستكەفتێن گەل ونەتەوا وان،دیرۆك ڤێ یەكێ دسەلمینت كو ئەم رەسەنترین مللەتێ ڤی وەلاتی نە و مە كاریە ڤی تشتی ل نك خۆ بپارێزین،ئەم(هەبووینە و ویێت هەین و دێ هەرهەبین ل كوردستانا رەنگین پری ئۆل و ئایین)،خزمەت وخەبات و قوربانیدان وخوونرشتنا مە ژبۆ ئاخ و شەرەف وناموس وكەرامەت و وەلاتێ مە وەكریە ناڤ و رەسەناتیامە هەردەم یە پاراستی بت،ئێزدی هەر ژدەسپێكا هەبوونا وان لسەر ڤی روویێ ئەردی وهەتا ئیرۆ ژی هەر و هەربووینە پارێزەرێن ئۆل ونەتەوا خۆ ئەڤە ژی د دل وناخێ وان دا هاتیە چاندن،ئێزدی ئەو كەسن گەلەك حەز ژپێكڤەژیانێ وخودێ پەرێسیێ و وەلاتپارێزیێ دكن ئەگەر پەیڤەك دی ب ئێزدیان وەرە گۆتن ئەو دوورە ژ راستیێ ئەڤەژی بوویە ئامراز وپرەنسیپەكی جوان وبەرچاڤ ل نك هەرتاكەكی ئێزدی كو ل دەسپێكێ كوردن وەك نەتەوە ب گشتی وپاشی ئێزدینە وەك ئایین ب تایبەتی مە ئێزدیان هەردەم بۆ پاراستنا ڤێ ئاخێ مەغدوریەت وچارەنڤیس تێكەلی یەك نەكریە و ناكەین ژی چنكو وەلاتێ باب و كالێن مە كوردستانە و لالشا نوورانی كوردستانە ئەو ژی ئێزدیخانە،ژبەر ڤێ یەكێ ئەم هەردەم ب ماف و ئەركێن خۆ ب هیڤی نە و مە ئۆمێدەكا مەزن ب خودێ و كوردستانێ هەیە كۆچەكزان وەلات وئایین ونەتەوا خۆ بەرنادەین و ژێ دوورناكەڤین ب پەیڤەكا جوان وپری پیرۆز خەبات وقوربانیدان و دیرۆكا مە دئێتە بەرچاڤ ئەو ژی دەما رێبەرێ مە و سەرۆك و كاریزمایێ مە دبێژت(یان مللەتەك نینە بناڤێ كوردان یان ئێزدی كوردێن رەسەنن) ئەڤ گۆتنا پری بەها هەردەم هیڤی وئۆمێدێن مەزن بمەدبەخشت،ئەڤە ژی وێ چەندێ دگەهینت كو جەنابێ وی ومالباتا وی وپارتا وی چەند خەمخۆرێن مە وچارەنڤیسێ مەنە،ئەم ب خزمەت وخەباتا باب وكالان سەربلندین وتەمامكەرێن ڤێ رێبازێ نە( ئێزدیخانە ئانكو ب رامانا بهێزبوونا پێكڤەژیانا ئۆل ونەتەوان ل كوردستانێ وتەڤ جیهانێ ئەگەر هەڤالێن مە دۆست ویاروبرایێن مەبن)،بژیت كورد وكوردستان سەربەرزین بەرەف ئایندەیەكی گەش و رۆناك.
تُتاح هذه الصورة أيضا في: کوردی
