ل ئەمریكا گەنجەكی ئێزدی رێزا ئێكێ ل قارەمانیا لەشجوانیێ بدەستڤە دئینت
تۆرا لالش یا راگەهاندنێ
گەنجەكی ئێزدی خەلكێ شنگالێ ل ویلایەتا نبراسكا ل وەلاتێ ئەمریكا ئاكنجی یە،پشكداری قارەمانیەكا لەشجوانیێ دبت و ژ سەرجەمێ هەژدە پشكداران رێزا ئێكێ بدەستخۆڤە دئینت.
(نووری سەعید حەجی) تەمەن(22)سالی یە تایبەت بۆ رۆژناما دەنگێ لالش خویاكر،پشتی ئێزدیان ل شنگالێ ل (3/8/2014)ێ دگەل خێزانا خۆ كۆچبەری وەلاتێ ئەمریكا بووم ل ویلایەتا (Lincoln Nebraska) ئاكنجی مە،سەرەرای مژوولبوونا من ب قوتابخانێ و كاری دەست ب وەرزشا هێزكرنا لەشی كر،هەر رۆژ بۆ دەمێ چار دەمژمێران بەری چۆبام قوتابخانێ دگەل سیستەمێ خوارنا ساخلەم ئەڤ وەرزش دكر،بۆ جارا ئێكێ پشكداری ل قارەمانیا(NBC Omaha Nebraska )ل ویلایەتا نبراسكا كر ل سالا (2016) و رێزا پێنچێ ژ سەرجەمێ پازدە پشكداران بدەستخۆڤە ئینا،پاشی بەردەوامی دا راهێنانێن وەرزشی وخەونا من ئەو بوو بسەربكەڤم داكو پەیامەكێ بگەهینمە جیهانێ كو گەلێ ئێزدی خودان گەنجێن شیانە ،ئیسالە جارەكا دی پشكداری لڤێ قارەمانیێ دا كرە ڤە كو بەریا چەند رۆژان ب پشكداریا هەژدە یاریزانان ل ویلایەتا نبراسكا هات ئەنجام دان و كاری رێزا ئێكێ بدەستخۆڤە بینم.
نووری دووپاتكر پەیاما من بۆ گەنجێن ئێزدی گرنگیێ بدەنە شیانێت خۆ داكو بگەهنە ئارمانجێن خو و بەرهەڤم هاریكاریا وان گەنجان بكەم،كو مفایی ژ ئەزموون و سەربۆرا من وەربگرن.
تُتاح هذه الصورة أيضا في: کوردی
