ژبه‌ر بارانێ ره‌وشا ئاواران نه‌باش دبت و به‌غدا هاریكاریا وان ناكت
باسنيوز:
رێڤه‌به‌رێ كه‌مپا خانكێ ل دهۆكێ دیاركر، کو ژبه‌ر بارینا بارانێ ره‌وشا ئاواران نه‌باش دبیت وبه‌غدا ژى هاریكاریا ئاواران ل دهۆكێ ناكه‌ت. ئه‌و رێكخراوێن به‌رى نۆكه ژى هاریكارى دكرن، نۆكه ناكه‌ن.
پیر عه‌لۆ، رێڤه‌به‌رێ كه‌مپا خانكێ ل دهۆكێ، بۆ (باسنیوز) دیاركر: “ئه‌ڤه پتر ژ چار سالان خێڤه‌ت بو ئاواران هاتینه دانان نۆكه ل هنده‌ك جه و ده‌ڤه‌ران خێڤه‌ت وه‌كو به‌رێ نه‌مایه پێدڤیه بهێته گۆهورێن. به‌رى نۆكه ل كه‌مپا خانكێ هنده‌ك چادر هاتنه دابینكرن ژلایێ رێكخراوا (un) دگه‌ل بۆردى كاروبارێن مرۆڤایه‌تى ل پارێزگه‌ها دهۆكێ، ئاواران ئه‌و چادر دانانه سه‌ر خێڤه‌تێن خوه وبه‌رهه‌ڤیێن وه‌رزێ زڤستانێ كرن، لێ چادر نه‌گه‌هشتنه هه‌موو ئاواران. هنده‌ك ئاواره ماینه، پێدڤى ب چادرانه بۆ سه‌ر خێڤه‌تێن خوه ژبه‌ر باران بارینێ”.
خویا ژى كر: “ئاواره پێدڤى كه‌ل وپه‌لێن زڤستانێ وه‌كو سۆبە وبه‌ته‌نى و دۆشه‌ك و كه‌ل وپه‌لێن هه‌مه جۆر هه‌ینه. نۆكه حكومه‌تا عێراقێ هاریكاریا ئاواران ناكه‌ت ئه‌ڤه ماوێ چه‌ند هه‌یڤانه ژى رێكخراو ژى وه‌كو پێدڤى هاریكارى ناكه‌ن. هه‌تا نۆكه بتنێ حكومه‌تا هه‌رێما كوردستانێ پشته‌ڤانی و هاریكاریا ئاواران دكه‌ت”.
تُتاح هذه الصورة أيضا في: کوردی
