نادیا موراد دناڤبەرا تۆفانا مرن و خەلاتێ ماهییەتێ دا
جوان عزەت 
گەلۆ جڤاك ب چ دئێتە ناسین؟ دەمێ ئەم بەحسێ پیڤەرەكی ژ پیڤەرێ جڤاكی دكەین، كەواتە ئەم ژنێ ب سەرهلدانا جڤاكی دبینن،چنكو ئازادیا وێ و ئازادیا مللەتی بۆ ئاڤاكرنێ دئێتە سەلماندن، لەورا هەر مللەتەك ب جۆرە كەلتۆرەكی دئێتە دامەزراندن و لسەر وێ دامەزراندنێ جڤاك پلانەك و ستراتیژیەكێ دناڤ هەبوونا وی زەمینەیی دا دەستنیشان دكت،ژبەركو ئەو ب ئەجندە و پیڤەرێ وی نەخشە یێ دروستكرنێ دئێتە نیاسین،بنێرە، گیڤارا دبێژت:نەخۆشترین تراژیدی ئەوە مرۆڤ بەرەڤانیێ ل خەلكەكی بكت و ب دەستێ وان بێتە كوشتن،كەواتە ئەوا گیڤارای ئاماژەدایێ واتەیا وێ كێم نەبوو،بەلكو ئەو دەربرینێ ژ دووبارە پێداچۆنێ دكت،كو مللەت و وەلاتی هزر د وان تراژیدیان دا بكن،یێن بەردەوام كار بۆ نەچەسپاندنێ كری و هەر تووشی وێ جەنگە برینێ بووین و لسەر وان كارەساتان زیندیبوون ژی بوویە كوشتنەك پری دەمار و زیندان،ل ڤێدەرێ ئەگەر بنێرین ئەم چ جاران نكارین دەربرینێ ژ رەوشا وان تراژیدیان بكەین، یێن كو بووینە ئەگەرێن وێ مرنێ،چنكو شۆرەشێن مە هەردەم ب لاشێن دژوار راستەرێ بووینە، ئەڤەژی تێكستێن بەرخودانان دناڤ وان تراژیدیا دیار دكت،نموونە، نادیا موراد، ژ روپەلێن وێ بەرخودانێ هاتە ژیانێ، یاكو ب دیرۆكا سالان مرۆڤ ژ تراژیدی و شۆرەشا وێ یا مرنێ را بنڤیست و ب داوی نەئێت،چنكو نادیا نە تەنێ كچەك ژ جڤاكا ئێزدی بوو،بەلكو ئەو مینا ماهیەتەكا مەزنا تراژیدیا شنگال و گەلێ كورد بوو، كو ژ رێتما وێ تۆفانێ دەركەفت یا ب هزاران ژنێن وەكو وێ قوربانی شەڤێن كوڤانداری و برینێن لەیزینەكا بێ چارەنڤیس و بێ داهاتوویێ گەشبین بوون،دەمێ ئەم بەحسێ نادیایێ دكەین، كەواتە ژنێن ئێزدی هەموو ب ناڤێ نادیا بووینە سمبوولێن وێ كارەساتا ژانگرتنێ یا كو د دیرۆكا گەلێ ئێزدی دا هاتیە ئەنجام دان، لەورا ئەڤ نائێتە وێ واتایێ كو دیرۆكەكا بێ هەمپایە ل بازارێ كرین و فرۆتنا رەققایێ دا، بەلكو چارچۆڤەكرنا ژنێ دوێ دارستانا تاریبوونێ دا ب تنێ هێلا بازرگانی كرنێ بوو،ژبەركو دناڤ چارەنڤیسێ رەش و روت ئەوە، بەرگریا ژنە كوردەكێ دناڤ جیهانەكا بەرزەبوویی دا مەزنترین خەلاتێ مرۆڤایەتی بت و ژن ب ژیانا هەفتێ دوو فەرمانان هاتبتە كولەداركرن،ب راستی ئەڤە سەرپێهاتا گەلێ قركرنێ ددەتە خووندن،چنكو بوویەرەكا نە كێمبوو، ژ پێخمەت وان تراژیدیان ئیرۆ ژنەك لسەر ئاستێ مللەتەكی ب هەزران سالایە دناڤ كوراتیا ئێش و ئازاران دا ژیایی،ب وی خەلاتێ رێزلێنان ب ناڤێ تەڤاهیایا مرۆڤبوون و ئاشتیێ بێتە خەلاتكرن و ببتە بووكا تراژیدی و جیهانێ، دیارە دەربرینا وان كۆڤانێن مینا تراژیدیا چیایێ جودی و ئاگرێ ژیانێ كۆڤانێن بەخت رەشیا ڤێ ژنێ دەربازبووینە،لەورا نە تەنێ گەلێ كورد و جڤاكا ئێزدی خەونێن ڤێ ئازارێ دبینن، بەلكو گەلێ جیهانێ هەموو لسەر ڤێ جینۆسایدێ و تێكۆشینا مرنێ دل وێران بووینە،ئەنجام:قاسملو دبێژت:باشترین خەلات بۆ شەهیدان درێژەپێدانا رێكا وایە،ئەز ژی دبێژم باشترین خەلات بۆ ژنا ئێزدی نادیا مورادێ، ژنبوونا وێ دناڤ تراژیدیەكا شەهرەزادی و وەغەكری ل هەمبەر رۆلێ جیهانەكێ یە.
تُتاح هذه الصورة أيضا في: کوردی
