بێريڤان سه‌ليم: دێ داخواز كه‌ین دپۆستێن نوو دا رێڤه‌به‌ریێن گشتى بۆ ئێزدى و كریستیانان بێنه دان
باسنيوز:
جێگرا سه‌رۆكێ ئه‌نجومه‌نێ پارێزگه‌ها دهوكێ ئاشکرا کر ژ چارچوڤێ وان گوهرینێن دهێنه ئه‌نجام دان ، ژلایێ ئه‌نجومه‌نێ وه‌زیران ڤه چه‌ند بریاره‌ك هاتینه دان كو ل پارێزگه‌ها دهوكێ (12) رێڤه‌به‌رێن رێڤه‌به‌ریێن گشتى بهێنه گوهرین و د ده‌مێ بورى دا چه‌ند رێڤه‌به‌ر هاتبونه گوهرین
بێریڤان سه‌لیم، جێگرا سه‌رۆكێ ئه‌نجومه‌نێ پارێزگه‌ها دهوكێ بو (باسنیوز) گۆت: “د ده‌مێ بورى دا ب بریارا ئه‌نجومه‌نێ وه‌زیران (5) رێڤه‌به‌رێن گشتى ل دهوكێ هاتبونه گوهرین و ژڤانه ل ده‌مێ بهێت (7) رێڤه‌به‌ریێن دیتر ژى بهێنه گوهرین و گوت ژى: ئه‌و رێڤه‌به‌رێن دهێنه گوهرین ده‌مێ وان یێ (یاساى) ب سه‌ر ڤه‌چویه و هنده‌ك رێڤه‌به‌ر هه‌نه گه‌له‌ك ده‌مێ وان ب سه‌ر ڤه چویه “.
ناڤهاتى گوت ژى: “دێ ئه‌م داخاز كه‌ین د وان پوستێن نوى دا رێڤه‌به‌ریێن گشتى بو خه‌لكێ (ئێزدى و كریستیان) ژى بهێنه دان چونكه هه‌تا نها چ رێڤه‌به‌رێن گشتى ل دهوكێ پێشكێشى وان هه‌ر دوو ته‌خان نه‌هاتیه كرن “.
تُتاح هذه الصورة أيضا في: کوردی
