كونسولێ گشتی یێ فەرەنسا ل هەرێما كوردستانێ:رۆلێ بنگەهێ لالش بلند دنرخینن بۆ پاراستنا كەلتۆرێ ئێزدیان
تۆرا لالش یا راگەهاندنێ/دهۆك
ئیرۆ چارشەمبوویێ 19ی ئەیلولا 2018ێ بەرێز”شێخ شامۆ”سەرۆكێ دەستەیا بلندا بنگەهێ لالش ل دهۆكێ،پێشوازیا بەرێز”دومینێك ماس” كونسولێ گشتی یێ وەلاتێ فەرەنسا ل هەولێرێ كر.
د دیدارا كو ب ئامادەبوونا خانم “جاكلین دیرومیدی” سیناتورا فەرەنسی و ژمارەكا كەسایەتیێن دگەل دا هاتی ئەنجام دان،بەرێز دومینێك ماس دووپاتكر كو بنگەهێ لالش رۆلەكی كارا هەیە بۆ پاراستنا كەلتۆرێ ئێزدیان،رۆنكر ژی وی سۆزدا بوو بەرێز “شێخ شامۆ” سەرەدانا بنگەهێ لالش ل دهۆكێ بكت و سۆزا خۆ بجهئینا ژبۆ ژنێزیك ڤە ئاگەهداری بزاڤ و چالاكیێن بنگەهی ببت.
دلایەكی دی یێ دیدارێ دا كونسولی ئاماژە دا كۆمكوژی و فەرمانێن بسەرێ ئێزدیان دا هاتین لسەر دەستێ رێكخراوا داعش ب تایبەت ل 3ی تەباخا 2014ێ كو جیێ داخێ بوو،تەكەزكر كو رەوشا ئاواران ل كەمپان دا زۆر یا خرابە و ئەو پێتڤی پشتەڤانیا زێدەترن،دیسان لسەر بنگەهێ لالش و دەزگەهێن دیتر پشتەڤانیێ زێدەتر بكن و هەڤكار بن بۆ پێگەهاندنا رزگاربوویێن تووشی كۆمكوژیێ بووین،خویاكر ژی فەرەنسا هاریكاریێن زۆر یێن مرۆڤی پێشكێشی پێكهاتێ ئێزدی كرینە ل دەمێ كۆمكوژیێ و دێ بەردەوام بت لسەر پشتەڤانیێ ب تایبەت ب رێیا رێكخراوێن جڤاكێ سڤیل،رۆنكر ژی ئەو دێ ئازارێن ئێزدیان گەهیننە نەتەوەیێن ئێكگرتی و رێكخراوێن جیهانی ژبۆ پتر پشتەڤانی و هاریكاریكرنێ.
ژبال خۆ ڤە بەرێز”شێخ شامۆ” سەرۆكێ دەستەیا بلندا بنگەهێ لالش بخێرهاتنا شاندی كر و رۆلێ مەزنێ فەرەنسا بۆ پشتەڤانیا گەلێ كورد ب گشتی و ئێزدیان ب تایبەتی نرخاند،هەروەسا رۆناهی ئێخستە سەر گرنگترین چالاكیێن بنگەهی ژ دەستپێكا دامەزراندنێ و هەتا نهۆ،دیاركر ژی كو دامەزراندنا ڤی بنگەهی ژ دەستكەفتێن بزاڤا رزگاریخوازا كوردی یە،جەخت ل وێ چەندێ كر كو بنگەهێ لالش رۆلەكی كارا ل كۆمكرن و پاراستنا فلكلۆر و كەلتۆرێ ئێزدیان دا هەبوویە،ژبەركو پاراستنا وی ژ ئارمانجێن بنگەهێ لالشە،شێخی ئاماژە كر كو لژنە ل رۆژانێن دەستپێكی یێن هەوا كۆمكوژیا ئێزدیان هاتن پێكئینان و ئەڤ لژنە ب سەرپەرشتیا دەستەیا بلندا بنگەهێ لالش بوون بۆ دكیۆمێنتكرنا تاوانێن داعش دەرهەقێ سڤیلان دا ل شنگال ئەنجام داین،دا زانین ژی بنگەهێ لالش كاریە وان تاوانان دكیۆمێنت بكت ب رێیا دكیۆمێنتكرنا ڤیدیۆ و وێنە و نڤیسینان و ئەڤ دكیۆمێنت ل ئەرشیفێ بنگەهی دا پاراستینە.
ل داویا دیدارێ شاندێ ناڤبری گەریانەك دناڤ ئاڤاهیێ بنگەهێ لالش دا كر و كارێ هەموو پشكان بۆ وان هاتنە شلۆڤەكرن.
تُتاح هذه الصورة أيضا في: کوردی
