سەرۆکێ بنگەهێ لالش: داكۆكیكرن ل مافێن كوردێن ئێزدی ئارمانجا لیستا پارتییە
باسنيوز:
سەرۆكێ دەستەیا بلندا بنگەهێ لالش یێ رەوشەنبیری و جڤاكی ل دهۆكێ دیار كر: “هەموو شیانێن خۆ بنگەهی لالش دێ كار كەت بۆ سەرخستنا لیستا پارتی دیموكراتی كوردستان لیستا ژمارە( 183)ێ چونكو بتنێ پارتی داكۆكی ل سەر پاراستنا هەموو مافێن كوردێن ئێزدی دكەت”.
شێخ شامۆ شێخۆ، سەرۆكێ دەستەیا بلندا بنگەهێ لالش یێ رەوشەنبیری و جڤاكی ل دهۆكێ بۆ (باسنیوز) دیار كر: “بنگەهێ لالش بریار دایە ل ڤان هەلبژارتناندا كار بۆ سەرخستنا لیستا پارتی بكەت چونكو باوەریا مە پارتی دشێت د هەموو كاودانان دا پشتەڤانێ سەرخستنا گەلێ مە بیت. ئارمانجا پارتی دیموكراتی كوردستان هەردەم ئەو بوویە خزمەتا ئێزدیان بكەت ومافێن ئێزدیان بپارێزت وكار بۆ پاراستنا ئیزدیان دكەت وكار دكر بۆ بەلاڤكرنا فەرهەنگا پێكڤە ژیان ولێبۆرینا ئایینی ونەتەوەیی ل هەرێما كوردستانێ. ئەم وەكو بنگەهێ لالش هەردەم ل سەر پرسێن چارەنڤیساز ل گەل پارتی دیموكراتی كوردستان بووینە چونكو پارتی و سەرۆك بارزانی دشێن رێبەریا گەلێ مە بكەن”.
خویا ژی كر: “بنگەهێ لالش دگەل هەموو نڤیسینگەه وتایێن بنگەهێ لالش ل سەرانسەری پارێزگەها دهۆك كۆمبوویە وبریار دایە هەموو دەڤەرێن ئێزدیان پێكڤە كار بۆ سەرخستنا لیستا خوینا شەهیدان لیستا پارتی بكەن”.
تُتاح هذه الصورة أيضا في: کوردی
