ئێزدى بۆ گره‌نتیكرنا مافێن خۆ ل په‌رله‌مانێ كوردستانێ دێ ده‌نگ ب لیستا پارتى ده‌ن
باسنيوز:
شێوه‌رمه‌ندى جڤاتا روحانیا ئێزدیان دیاركر، کو ئێزدى بۆ گره‌نتیكرنا مافیێن خوه ل په‌رله‌مانێ كوردستانێ دى ده‌نگ ب لیستا پارتى دیموكراتى كوردستان ده‌ن چونكو پتریا ئێزدیان دگه‌ل پارتى نه.
كه‌ریم سلێمان، شێوه‌رمه‌ندى جڤاتا روحانیا ئێزدیان بۆ(باسنیوز)دیاركر: “كوردێن ئێزدى دو به‌ربژێر بۆ په‌رله‌مانێ كوردستانێ هه‌نه ژوانا ژێ ئافره‌ته‌كا ئێزدى یه لسه‌ر لیستا پارتى دیموكراتى كوردستان ئه‌م داخازى دكه‌ین سه‌ركرداتیا سیاسى پارتى پشته‌ڤانیا تایبه‌ت هه‌بیت بۆ به‌ربژێرا ئێزدى بكه‌ت، داكو په‌رله‌مانێ داهاتى یێ هه‌رێما كوردستانێ ڤالا نه‌بیت ژ كوردێن ئێزدى هه‌روه‌سا ژى ل سه‌ر لیستا ئیكه‌تیى ژى ئێزدیان به‌ربژێره‌ك هه‌یه ودخوازین سه‌ركرداتیا سیاسى وان ژى پشته‌ڤانیى ل وێ به‌ربژێرى بكه‌ت دا كیماسى دوو په‌رله‌مانتارین كوردێن ئێزدى ل په‌رله‌مانى َكوردستانێ هه‌بن وپه‌رله‌مان یێ ڤالا نه‌بیت ژ ئێزدیان.
خۆیا ژى كر: “هه‌كه هه‌ر دوو به‌ربژێر ل هیڤیا ده‌نگێن ئێزدیان بن ره‌نگه ده‌نگیێن ئێزدیان تێرا هندى نه‌كه‌ن به‌ربژێرین ئێزدى پێ ببنه ئه‌ندامێن په‌رله‌مانێ له‌ورا ئه‌م داخازا پشته‌ڤانى بۆ وان دكه‌ن هه‌تا كو بگه‌هنه په‌رله‌مانێ”.
تُتاح هذه الصورة أيضا في: کوردی
