تونێلا زاخۆ هێلەکا ستراتیژیە دناڤبەرا هەرێما کوردستانێ و دەولەتاندا
زاخۆ-KDP.info-
رێڤەبەرێ پرۆژەیێ تونێلا زاخۆ بەحسکر، ئەڤ تونێلە هێلەکا ئیستراتیژیە دناڤبەرا باژێرێن نافخویێ هەرێما کوردستانێ بۆ زاخۆ و سنۆرێن دەولەتاندا ژى، داکۆ درێکا گەلیێ زاخۆ بخودا دەرباز نەبن و پتر خەلک بۆ گەشت گوزارێ و بازرگانیێ لڤینێ بکەن، دیسان روودانێن هاتن و چوونێ کێم بووینە.
ل رێکەفتى 12/9/2013ێ، بەرێ بنیاتێ تونێلا گەلیێ زاخۆ ژلایێ سەرۆکێ حکومەتا هەرێما کوردستانێ (نیجیرڤان بارزانى) ڤە ل 10/5/2018ێ هاتبوو دانان، ئەڤ تونێلە هاتە ڤەکرن. دەربارى تونێلا زاخو ئەندازیار (ئەحمەد تاهیر زەینەل)، رێڤەبەرێ پرۆژێ تۆنێلێ بۆ مالپەرێ فەرمیێ پارتى دیموکراتى کوردستان راگەهاند:” ئەڤ تونێلە هێلەکا ئیستراتیژیە دناڤبەرا باژێرێن نافخویێ هەرێما کوردستانێ بۆ زاخۆ و هێلەکە دناڤبەرا سنۆرێن دەولەتاندا ژى داکۆ دڕێکا گەلیێ زاخۆ بخودا دەرباز نەبن و پتر خەلک بۆ گەشت گوزارێ و بازرگانیێ لێڤینێ بکەن، جونکى بەرى دروستبوونا تونێلێ، ب دەهان روودانێن هاتن و چوونێ ل گەلیێ زاخۆ دروست دبوون ژ ئەگەرێ تەنگیا رێکێ و خەلک دبوو قوربان و ئوتومبێل ژى دهاتنە سوتن، بەلێ پشتى تونێل هاتیە ڤەکرن رێژا 100% یا روودانێن هاتن و چوونێ ل گەلیێ زاخۆ کێم بووینە”.
ئەندازیار (ئەحمەد تاهر) دیارکر:” بۆ ماوەیێ سێ هەیڤایە ئەڤ تونێلە هاتیە ڤەکرن و تا نوکە چ ئاریشە تێدا دروست نەبووینە و ئوتومبێلێن بارهەلگر ژى د قەدەغەکرى نە، کو نابیت هاتن و چوونێ د تونێلێدا بکەن و هەر کەسێ سەرپێجیەکێ بکەت لگۆر یاسایێ سزایێن خۆ هەنە”.
رێڤەبەرێ پرۆژەیێ تونێلا زاخۆ خویاکر:” دەڤەرا زاخۆ جهەکێ سنۆرى و ئیستراتیژیە دناڤبەرا هەرێما کوردستانێ و وەلاتێ تورکیا و سوریا و دەولەتێن رۆژئاڤایێ جیهانێ دا، ژبەر ڤێ ئێکى گرنگیدان بڤى دەڤەرێ روویێ شارستانیێ هەرێمێ جوان دکەت و رێک و خزمەتگوزاریان بۆ خەلکێ کوردستانێ و دەرڤەیى کوردستانێ خۆش دکەت پتر سەردانا هەرێمێ بکەن ب تایبەت بۆ مەرەمێن گەشت و گوزاریێ”.
درێژیا تونێلا گەلیێ زاخۆ (1600)مترە و بلنداهیا وێ (5)م، ئەڤ پرۆژە دماوەیێ 30 هەیڤاندا ژلایێ حکومەتا هەرێما کوردستانێ ڤە ب کوژمێ (170) ملیارا دیناران هاتیە بجهئینان.
تُتاح هذه الصورة أيضا في: کوردی
