بنگه‌هێ لالش قاره‌مانيه‌كا وه‌رزشى ل كه‌مپا خانكێ ئه‌نجام دا
تۆرا لالش يا راگه‌هاندنێ
ب پشكداريا 24تيمين وه‌رزشى قاره‌مانيا(جانگۆرى شاهين)يا تۆپكانێ يا بچووككرى كو ژلايێ بنگه‌هێ لالش تايێ شنگال و نڤيسينگه‌هێن بسه‌رڤه هاتبوو رێكخستن ل كه‌مپا خانكێ هاته ئه‌نجام دان.
ئيرۆ رۆژا دووشه‌مبوويێ 13ى ته‌باخا 2018ێ ب ئاماده‌بوونا به‌رپرسێ بنگه‌هێ لالش تايێ شنگال و نوونه‌رێ لقێ 17يێ پارتى ديموكراتى كوردستان و به‌رپرسێ بنگه‌هێ لالش تايێ خانكێ و نوونه‌رێن رێكخراوێن مرۆڤى يێن ل كه‌مپا خانكێ كاردكن،ياريا داويێ يا قاره‌مانيا(جانگۆرى شاهين)يا تۆپكانێ يا بچووككرى دناڤبه‌را تيمێن(گه‌نجێن تلبه‌نات_گه‌نجێن گوهبه‌ل)دا هاته كرن و ب لێدانێن په‌نه‌له‌تى تيما گه‌نجێن گوهبه‌ل سه‌ركه‌فتن تۆماركر و ناسناڤ بده‌ستڤه‌ئينا.
ئه‌ڤ قاره‌مانى بۆ ماوێ 18رۆژان ل ياريگه‌ها كه‌مپێ لسه‌ر شێوێ گرۆپان يا به‌رده‌وام بوو.
ل داويێ تيمێن ئێك و دوو و باشترين ياريزان و گۆلكه‌رێ قاره‌مانيێ و ستافێ دادڤانان ژبال بنگه‌هێ لالش تايێ شنگال ڤه هاتنه خه‌لاتكرن.
تُتاح هذه الصورة أيضا في: کوردی
