نێزیكی 220خێزانێن ئێزدی ل كەمپەكا باژێرێ سلێمانیێ ئاكنجی نە
تۆرا لالش یا راگەهاندنێ
ل كەمپا ئاشتی ل پارێزگەها سلێمانیێ نێزیكی (220)خێزانێن ئاوارێن ئێزدی ئاكنجی نە،گلە و گازندان ژنەبوونا هاریكاریان دكن و ژبەرنەبوونا چارەسەریێ رزگاربوویێن ژ دەستێ داعش نەچاربووینە كەمپێ بجه بهێلن.
(دلگەش جەمال)ئێك ژ ئاوارەیێن كەمپێ یە دیاركر،ژمارەكا رزگاربوویێن دەستێ داعش ل كەمپێ دا ئاكنجی نە،لێ ب مخابنی ڤە ژبەر نەبوونا چوو هاریكاریان و نەبوونا خۆلێن دەروونی ئەو خێزانێن وان رزگاربوویان نەچار بوون بجهـ بهێلن داكو بگەهنە جیەكی دی كو ل وێدەرێ پتر خزمەتا رزگاربوویێن وان بێتە كرن و حالەتێن دەروونی ل جەم وان بێنە چارەسەركرن،دیسان هندەك خێزانێن هەژار هەنە لێ وەك پێتڤی هاریكاریا وان نائێتە كرن و دخوازین هەموو خزمەتكاری بۆ مە بێنە دابینكرن.
هەروەسا(عدنان عەبدال)ئاوارەیەكی دی یێ كەمپێ خویاكر،رەوشا مە ل ناڤ كەمپێ دا نە هندە یا باشە ،ژبەركو ئەڤە بوو دەمەكی درێژ چ پێتڤیێن زڤستانێ بۆ مە نەهاتینە و گاز ژی وەك پێتڤیا مە پێ نائێتە دابینكرن،ئەڤ چەندە ژی رەوشا خێزانێن هەژار نەخۆشتر لێ دكت،گۆتژی نهۆ چ ئاهێن خوارنێ بۆ مە نائێن و دراڤەكی كێم بۆ هەر خێزانەكێ دئێت لێ ئەو تێرا مە ناكت،هەروەسا ژلایێ رێكخراوان ڤە ژی نهۆ چ خۆل وەك پێتڤی نائێنە ڤەكرن،هیڤیدارن وەك بەری نهۆ رێكخراو بزڤرنە ناڤ كەمپێ دا پتر خزمەتا ئاواران بێتە كرن.
تُتاح هذه الصورة أيضا في: کوردی
