خاتى شنگالێ: ژبه‌ر نه‌بوونا ته‌ناهیێ ترس هه‌یه تیرۆرست یێن چووینه سوریا خوه بگه‌هینه شنگال
باسنيوز:
به‌رپرسا پێشمه‌رگه‌ى هێزا كچێن رۆژا ل شنگال دیاركركو ئه‌و ئێزدیێن زڤرینه شنگال تووشى مه‌ترسیه‌كا مه‌زن بووینه چونكو ئه‌و عه‌ره‌بین سالا 2014ێ ده‌ستێن وان ب خوینا گه‌نج و خورتێن شنگال هاتیه سوركرن وكچ وژن وزارۆك شنگال ره‌ڤاندیێن نها ئه‌و عه‌ره‌ب ل شنگالێ نه.
خاتى شنگالێ، به‌رپرسا پێشمه‌رگه‌ى هێزا كچێن رۆژا ل شنگال، بۆ (باسنیوز) دیاركر: “پشتى حه‌شدا شه‌عبى شنگال داگیركرى مه‌ترسیا كومگوژیه‌ك مه‌زنتر ژسالا 2014ێ لسه‌ر خه‌لكێ شنگال دروست گه‌له‌ك جاران هه‌ڤال وناسیارێن مه ل شنگال په‌ێوه‌ندى ب مه دكه‌ن وداخازى دكه‌ن پێشمه‌رگه‌ى زڤرته شنگال چونكو راستى ترسه‌ك مه‌زن بو ئیزدیان ل شنگال دروست بوویه تووشى كۆمگوژیه‌كا دێ بن ل سه‌ر ده‌ستێن خیانه‌تكارێن سالا 2014 شنگال وێرانكرێن وكچ وژن و زارۆك ره‌ڤاندیێن”.
خۆیا ژى كر: “ئه‌و خه‌لك ماینه شنگال ژى ب شه‌ڤى نوبه‌داریا مالێن خوه دكه‌ن، مه‌ترسیى هه‌یه رۆژه‌كێ ئه‌و تیرۆرستێن داعش یێن چووینه سوریا خالا سنۆرى را خوه بگه‌هینه شنگال ژبه‌ر نه‌بوونا ته‌ناهیى”.
تُتاح هذه الصورة أيضا في: کوردی
