“عەبادی ب نیازە خەلكێ شنگال بەری هەلبژارتنان ڤەگەرینت”
باسنيوز:
ئەندامەكی جڤاتا قەزا شنگال دیاركر كو عەبادی هەول ددەت خەلكێ شنگال ڤەگەرینت بەری هەلبژارتنێن پەرلەمانێ عێراقی بهێنە كرن، ژبەركو حەشدا شەعبی كاندیدێن خوە هەنە دا فشارێ ل سەر خەلكێ دروستكەن و كاندیدێن خوە سەربێخن بچنە ناڤ پەرلەمانێ عێراقی دا.
مەیسەر حەجی، قایمقامێ بەرێ یێ قەزا شنگال و ئەندامێ جڤاتا قەزا شنگال بۆ(باسنیوز)دیاركر:” بەغدا زۆر هەولدانان دكەت خەلك بزڤرنە سەر مالێن خوە بەری هەلبژارتنان لێ چوو تەناهی ل شنگال نینە،خەلك نەشێن ڤەگەرن. نۆكە ل شنگال حەشدا شەعبی كاری سیاسی دكەت.ئەم نەدگەلداینە دڤێ بارودوخێ دا خەلك شنگال ڤەگەرن چونكو تەناهی ل دەڤەرێ نینە”.
خویا ژی كر: “بنپێكرنا دەستوری وزڤرینا خەلكێ شنگال دڤێ رەوشا نەخۆشدا ل شنگال مەرەمێن خراب بەرامبەر خەلكێ شنگال نیشا ددەت چونكو هاتنا حەشدا شەعبی بۆ شنگال بتنێ بۆ وێ یەكێ بوویە ئەو كاندیدێن خوە ل شنگال دانێن و رەوانەی پەرلەمانێ عێراقی بكەن”.
تُتاح هذه الصورة أيضا في: کوردی
