بۆچی ژنێ كارێ ئابووری و بازرگانی ب ئەركێ خۆ نەزانیە؟
جوان بەرواری 
ژن، هێزە و ستونەكە دكارت هەرتشتی بكت د ناڤ جڤاكی و مللەتێ خۆدا گرنگیا كو ژن خۆ دبوارێن جودا جودا دیاردكت، ئەوە هێزو ئیرادا وێ باندۆرێ ل هەر پێنگاڤەكا وێ بكت دێ چاوان ژن؟ هەولا رێكخستنا خۆ دەت دناڤ هەولدان و كارڤەدانێن جڤاكی دە، ئێكەم پێنگاڤ ئەوە ژن ب هەموو كارو خزمەتا خۆ بكارت، رێ لبەر هەر ستونەك و پێشهاتەكا ل دژی وێ دئێت بگرت،چنكو ئیرادا وێ بەرسڤە بۆ هەر گرێدان هزرەكا تاری رەش.
ئەگەر بنێرین لسەردەمێن كەڤن دە، ئانكو سەردەمێ بابلی و سومەریان دە ژن، دهاتە پێش وەكو، نیڤ خوداوەندەك ئانكو ب كارێن دەستهەلاتێ ل پلا ئێكێ دهات هەتا ژن هاتبوو ناسكرن ب ناڤێ خوداوەند وەك: ئافرودێت ئێك ژ وان ژنان بوو كو بەردەوام وەك خوداوەند دهاتە پێش لێ پشتی پەیدابوونا جڤاكێن جودا جودا ئێدی رۆلێ ژنێ هێدی هێدی هاتە وندا كرن چنكو ژن د وی سەردەمی دا ب خوداوەندا دایك سالار دهاتە پێش لێ جڤاكێن چینی و گزیرتا ئەرەبی و…هتد، هۆسان ژن نەدا پێش بەلكو وەك گیانەوەرەكا درندە و خزمەتكارەك بۆ كارێن بازرگانیكرنێ بكاردئینا،پشتی پەیدابوونا ئایینێ ئیسلامێ هندەك ئەرك و ماف بۆ ژنێ هاتنە داناندن، ژ وان ژی ئەركێ پێكئینانا خێزانێ، پەروەردەكرنا زارۆكان ، دابەشكرنا پشكەك ژ میراتی و فێركرنا زانست و زانینێ،لێ پێگەهێ ژنێ ب تنێ دڤی ناسنامێ دا هاتە گەهاندن ئەڤێ یەكێ باندۆر لسەر ئیرادا ژنێ كر كو ژن خۆ دهەر كارو چالاكیەكا ژیانا جڤاكی، سیاسی، ئابوری و بازرگانی دا نەبت چنكو تێگەهێ زەلامی لسەر یێ ژنێ كەفت و بار هەموو ما لسەر ملێن زەلامی هەتا بریارێن ژنێ ژی كەقتن بن دەستێ زەلامی دە،ئەم بنێرین ل وەلاتێن پێشكەفتی ژن هەبوونە هەتا بووینە سەركردە و فەیلەسوف و بازرگان و…هتد، ژبەركو هزرا ژنێ هزرا كارپێكرن و ئاڤاكرنا زانستی بوویە، بەلێ مخابن ل وەلاتێن پاشكەفتی ژن ل پلا دوویێ هاتیە،لەورا ژی هەردەم ل بن هزرا توندو تیژی بوویە بەلێ ژن هەبوویە د ددیرۆكێ دا بەردەوام كارو خزمەت كریە وخودان هێزو هزرمەند بوویە بەلكو خۆ ژ تێگەهێ بونەوەراتیا خۆ مەزنتر دیتیە، لەورا ژی پشتی پەیدابوونا پێشكەفتنێ ئێدی ژنێ دخواست بێتە دناڤ رێزێن ژیانا جڤاكی، سیاسی كۆمەلایەتی، ئابووری و…هتد،دناڤ جڤاكێ دە خۆ ب كارو چالاكیان دایە ئاڤاكرن لێ هەر كەفتیە دبن رەوشا ئاوارتە نالەبار دا، ژبەركو خووندن و فامكرنا جڤاكی بۆ ژنێ ب پرسەكتیڤێ جودا دهاتە دیتن، لێ ئیرۆ ئیرادا ژنێ ژ هندێ مەزنتر بوویە، كو باندۆرا دەوربەران لسەر فكرو رامانا وێ دا یا زال بت،چنكو ژن ب هەموو هێزا خۆ ڤە یا هەولدەت خۆ بگهۆرت و خزمەت و خەباتێ بۆ مللەتی بكت.
ل ڤێرە دخوازم پرسەكێ بكم، گەلۆ بۆچی ژنێ كارێ ئابووری و بازرگارنی ب ئەركێ خۆ نەزانییە؟ دیارە ژبەر كاودانێن ترس ژ كارێ بازرگانیكرنێ هێشتا نەگەهایە وی ئاستی كو بكارت ئەنجام بدەت، ژلایەكێ دنڤە بەشێن ئامارو ئابوور و بازرگانیكرنێ دناڤ زانكۆیان دە هند گرنگی نە دایە وێ یەكێ كو ژن، دڤی بواری دە بتە خودان پسپۆرو شارەزایی ب ئاخڤتنەكا دی،چنكو ئاستەنگا ژنێ دڤێ مەملەكەتێ دە نەبوویە جیێ وێرەكی ئاكتڤیەكا ئازادبووی داكو هەولبدەت ئاكتڤییا خۆ دڤی تێگەهی دە دەتە كارپێكرن،لەورا ل داویێ دبێژم ژن نە بتنێ بلا پشكداریێ د داهێنان كارو چالاكیێن ژیانا جڤاكی و سیاسی دا بكت،بەلكو بلا ژن هەولبدەت ب داهێنان و كارو خزمەتا خۆ ڤە دەست ب ئیرادا كارێ بازرگانیكرن و ئابووری ژی بكت،چنكو ئێدی سەردەمەك نوو دەستپێكریە ئەوژی سەردەمێ رەوشنگەری نووخوازیێ یە كو ژن، دڤی سەردەمی دا بوویە خودان دیرۆك و هەلویست دەسپێشخەرێن نووخواز،ئانكو ب مەبەستا من ژن نەهاتیە ژیانێ دا تنێ ل كارو كریارێن پێكئینانا خێزان و پەیداكرنا زارۆكان و تشتێن مەزهەری ڤە گرێدای بت، نەخێر، بەلكو ژن ئەو ژنە ئەوا ب دەستەكی لاندكێ د هەژینت و ب دەستێ دی دوونیایێ د هەژینت،لەورا پێتڤیە ژن ب هاریكاریا هێزو ئیرادا خۆ ڤە هەولبدەت بەردەوام دەست ب گهۆرینان بكت،داكو ب بتە ئورگانەكی گرنگ بۆ جڤاكەكێ ئاڤاكەرو گرنگ.
تُتاح هذه الصورة أيضا في: کوردی
