ژ كەلەپۆرێ باب وكالا
ئلیاس نەعمو خەتاری
پشكا ئێكێ
كەلەپۆر(فلكلۆر) ژمارەكا هۆنەرێن كەڤن وچیرۆك و گۆتنێن گرێداینە ب ژمارەكا خەلكەكی ڤە ل هەر جیەكی لێ دئاكنجی بن،ئەڤ هۆنەرە دئێنە ڤەگوهاستن ژ دەمەكی بۆ دەمەكی دن ئانكو ژبابكالا بۆ زارۆكێن وان ونەڤیێن وان ب رێیا چیرۆكا ونڤیسینا ستران وكەڤالا وهتد،ژ قۆناغ بۆ قۆناغەكا دن كێم وزێدەی دكەفتە دناڤ دا،دیسا فلكلۆر نە كارێ كەسەكی یە بەلكو ئەنجامێ پێكڤەژیانا خەلكەكی یە.
دێ ئێنە سەر ژیانا بەرێ ب سرووشتی ڤە یا گرێدایی بوو ب شێوەكی راست و خۆ و خەلكێ یا ب دەستێ خۆ كربا ویادی خودانكرنا گیانەوەران وبڤێ چەندێ وبۆرینا ژیانێ خەلكێ گەلەك ئامیرێن هەموو جۆر بكار دئینان دا ژیان یا بەردەوام بت ژوان ئامیران: داسك و قەیناغ و چاوا دروونا دەخلا دهاتە كرن، دروون یان چنینا دەخلا وەكی گەنم وجەه ونیسك وناك وبرنج،درون بداسكا دهاتە كرن دوو جۆرێن وان هەبوون داسكا مەزن یا زەلاما پێ دروون دكر وداسكا كچك یا ملوك كێشا بوو یا دگۆتنێ مەلوكێش پشتی دەخل دهاتە دروتن دكرنە كۆم دگۆتنێ گدیش و ئەو كەسێن مەلوك یان مەلو دكێشان دگۆتنێ مەلو كێش بەهرا پتر یا وان ئافرەت بوون،دیسان دگەل وان قەیناغ هەبوون ئەوژی سەر تلیك بوون وەكی نینوكا بوون ودرێژبوون دكرنە تبلێن خۆدا دا نێنە برین دەمێ دروونێ،داسك دكرنە دەستێ راستی قەیناغ دكرنە دەستێ چەپێ دا نێتە برین وبریندار نەبن لدەمێ دروونێ زەلاما خۆ رێزدكرن بالێ هەری زیرەك ل ئالێ راستی دبوو و دگۆتنێ مەلك ئانكو سەركێشێ كاری بوو و تخوم بۆ كاری داتنا.
دیسا ئەگەر دەنگ خۆشەك هەبا دگەل دا قیردكرە سترانا داكو پالا و شۆلكەرا خۆشتر كار كربا، دەخلێ هاتبا درووتن خرڤە دكرن وكۆمدكرن پاشی لسەر ئامیرێن شخرێ واسرە پشتا حەیوانان دكێشان بۆ ناڤ بێدەران ل جیەكی تایبەت كۆمدكرن وپاشی ب ئامیرا جێنجەرێ دقوتان و پشتی قوتانێ دكەڤن دا سەر كارێ دێرانێ ئانكو هلدانا ئەنجامێ قوتانێ لبەر بای بلند هلددا داكو تۆڤ و قەسەل ژێك جودابن ودكرنە كۆم وپاشی ب تێركا ولسەر پشتا حەیوانا دكێشانە ناڤ مالێ پاشی عەمبار دكرن دجیێن تایبەت دا وەكی مەقیرا لبن ئەردی بوون وكۆلك لسەر ئەردی بوون و ئیسر لناڤ ژۆرێن مالا بوون بۆ پاراستنێ ژ هەر تشتەكی،پاشی ئەو دەخل ودانە دهاتە بكار ئینان بۆ خوارنێ و فرۆتنێ.
تُتاح هذه الصورة أيضا في: کوردی
