ئێزدی ناخوازن ل بن دەستهەلات و حوكمێ ئەرەبان بن
لەیت حسێن
خەلكێ ئێزدی هێدی هێدی پشتی رزگاركرنا سنوونێ وشنگال دزڤرتە دەڤەرێن خۆ وگەلەك كەیف خۆش دبوون،ژبەركو ئەو دەمەكا درێژ بوو ژ مال و جیرانێن خۆ د غەریب بوون،لەوما ئەوی خەلكی ب گرنژین ڤە ئەو كەمپێن لێ دئاكنجی ب جهـ دهێلان پشتی سوپاسكرنێ ژبۆ برایێن خۆ یێن موسلمان ل زاخۆ و دهۆكێ ژبۆ وی ئەركێ نەتەوەی یێ وان ئەنجام داین ل هەمبەری خەلكێ ئێزدی ل دەما ئاوارەبوونێ،لێ پشتی هاتنا حەشدا شەعبی بۆ دەڤەرێن وان ئەو دڵگران بوون و دیسان چەندین خێزان ژ وی خەلكی زڤرین ڤە جارەكا دی ئاوارەی دەڤەرێن پارێزگەها دهۆكێ بوون و ژ ڤێ چەندێ دیاردبت ئەگەر حەشدا شەعبی ل وێدەرێ بمینت زیانەكا مەزن دێ ب هەموو دەڤەرێ كەڤت،لەوما ئەو خەلكێ نهۆ ل ڤان كەمپان دژیت و بێزار بوونە، دیسان ئێدی باوەرناكن كو چ جاران رەوشا وان ب زڤرتە ڤە وەك بەرێ و ئەو جارەكا دی بزڤرنە سەر مالێن خۆ و بەحس دكن كو ژیانا وان ب شێوەیەكی ئاسایی مەحالە،ژبەركو هەردەم ململان لسەر دەڤەرێن وانن وكێشا ژبۆ وی خەلكی چێدبن.
حەشدا شەعبی نهۆ هندەك هێز ژ وان ئەرەبان چێكرینە یێن كو هەر تشتێ خراپ دگەل ئێزدیان كرین و كچ و دەیكێن وان گرتین و ئەو ژی نهۆ ل وێدەرێ دئاكنجی نە و باوەرناكن كو وەلاتیێن نهۆ ل شنگالێ بێنە پاراستن ئەگەر ئەو هێز ل وێدەرێ بمینن و رەوش ل وێدەرێ ئاسایی نامینت،ئەگەر ئەو هێزا ژ وان جیان ڤەنەكێشت،چنكو هەر ژ رۆژێن پێشیێ دا دەما حەشدێ هێزێن خۆ دەربازی شنگالێ كرین گولە ژ با كەسێن نەنیاس ڤە ل شڤانێن پەزی هاتنە كرن ل نێزیكی كۆمەلگەهەكێ ل شنگال، هەروەسا گولە ل هندەك كەسێن دی ژی هاتبوونە كرن كو ل نێزیكی ناوچەداریا سنوونێ وان كاردكر، هۆسان یە دیارە حەشدێ هێزا خۆ ئینایە وان جیان بتنێ بۆ تەخریب وتەعریب كرنێ ئەڤێ چەندێ ژی ئێزدی دڵگران كرینە و بوویە رێگری ل هەمبەر زڤراندنا وی خەلكی بۆ سەر مالێن خۆ وترسەكا مەزن كەفتیە د دلێ وان دا،چنكو هەر عەرەب وجیرانێن نە دۆست بوون یێن كو ل 3ی تەباخا 2014ێ كارەسات بسەر وی خەلكی دا ئیناین و زەلام و زارۆك كوشتین و كچ و دەیك گرتین و ب سەدان زارۆك مەشق و راهێنان پێ كربوون وهزرا وان گهۆری بوون ژبۆ هزرەكا توندرەو وتیرۆری.
ئەڤجا ئێزدی ناخوازن جارەكا دی ل بن دەستهەلاتا ئەرەبان بن و هەر ئەرەب حوكمی ل وان بكن و دگەل وان بژین،یێن كو خیانەت لێ كرین و برایەتی وپێكڤە ژیان كرینە دوژمناتی و بێ وژدانی.
تُتاح هذه الصورة أيضا في: کوردی
