قەیرانان كارتێكرن ل دەروونێ خەلكێ كریە
جوان بەرواری 
كوردستان د ناڤا پترۆلەكا زۆرا مەزن دا ئاڤا بوویە و ئەو پترۆل بوویە ئەگەر كو پرانیا وەلاتێن زلهێز هەتا نۆكە كۆنترۆلا وان ل سەر كوردستانێ بەردەوامە ب هەموو دەوروبەرێن خۆڤە، دەما كورد بەشداری شۆرەشێن كەڤن دا بووین هەتا نۆكە ب هەموو رەنج وخەباتا خۆ بەرهەمێ وێ زولم زۆریا دیتی و ب سەری داهاتی ب دەست خۆڤە نەئینایە.
ئەگەر ئەم نێرینێ لێ بكەین دێ بینن كو هەردەم ئەم كورد بووینە بەشەك ژ قوربانی دانا هەر ئالیەكێ وهەردەم بن دەست بووینە راستە رێ زۆری زەحمەت و داهێنانێت گران هاتینە ، هەر د دیرۆكێن كەڤندا وەلاتێن دەوروبەر چاڤێ وان ل سەرجوگراڤیا مەبوون و دەستهەلاتا كوردی بەردەوام هەولدان بۆ وێ چەندێ كر كو بشێن خزمەتا خۆ تەرخان كەن ژبۆ وێ یەكێ كو رابن بۆ دابینكرنا مووچە و ئالاڤ و پەیداكرنا نانێ رۆژانە یێ هاولاتیان،و زێدەباری وێ یەكێ ژی كو هەردەم ئەم ب هیڤیا وێ چەندێ بەردەوامین ناهێلین كوهێزا دوژمنێن مە باندۆرێ ل سەر دەروونا مە بكەن ئەگەر ئەم ب دەستێن خۆ نەشێن بەرگریێ ژ وەلاتێ خۆ بكەین مە ئالاڤەكێ دی دەستان دا هەیە ئەو ژی ئەم چ جاران قەلەمێ خۆ ناهێلین و دێ ب وی قەلەمی بەرەڤانیێ ژ ئاخا خۆ كەین تاكو بەرەف رێیا سەركەفتنێ ببەین ، لێ سەرەرای وێ یەكێ ژی ئەگەر ئەم نێرینێ لێ بكەین كو كوردستان بەردەوام دناڤا كێشە و زولم زۆرداریێ دەرباز بوویە هەتا نۆكە ژی بۆ ئێك ژ خالێن قوربانی دانێ ژ پێخەمەت سەركەفتنا داهاتوویەكێ گەش كەفتیە دناڤا قەیرانەكا بەردەوام دا،لێ ئاریشا هەرە سەرەكی ئەو بوویە كو كێشەو ئاریشەو بەرەف ماوێ درێژبوونێ ڤە چووینە هەتا نۆكە ژی قەیران دبەردەوامن.
تشتێ كومن دڤێت ئاماژێ دەمێ ئەوە كو نەبوونا كارەبێ بوویە ئێك ژ كێشە و ئاریشێن سەرەكی بەشەك ژڤان قەیرانان كارەب ئالاڤەكێ هەرە گرنگە بۆ پەیدابوونا رۆناهیێ دچاڤێن هەر تاكەكی دا،ئانكو ئێكە ژ ئالاڤێن كاركرنێ و چارەسەركرنا وان پێگەهێن مەیێن رۆژانە كو پرانیا كارو باران ب رێیا ڤێ كارەبێ دئێنە چارەسەركرن ئەگەر كارەب نەبت ئەڤە بەشەك ژكارێن تاكەكەسان ماینە درێدا و بەرەف بارەكێ گران دێ چن دبنە ئەركەك مەزن ل سەر ملێن هەركەسەكی،لەورا ژی ئەم شێن ب هاریكاریێ كارەبێ ئەنجامدانا كارێ خۆ یێ رۆژانە بەرەف سڤكیێ ڤە بەین،لێ ئەڤە بۆ ماوێ چەند رۆژانە كو گرنگترین پەیڤ ل سەر زارێ هاولاتیان دئێتە گۆتن بوویە جهێ گلەو گازندێ ئێك ژ ئاریشێن گەرم نەبوونا كارەبێ و گازێ و مووچەی یە ڤان جۆرە خزمەتكاریان كارتێكرن كریە سەر رەوشا رۆژانەیا خەلكێ،لەورا ژی پێتڤیە حكومەت پێداچوونەكێ د كاروبارێن خۆدا بكەت و رابن ب دەركرنا بریارەكا گرنگ و دابینكرنا هەموو خزمەتكاریان بۆ خەلكێ و ب بۆچوونا من ژی پێتڤیە دەستهەلات رابت ب دامەزراندنا كەرتێ تایبەت ب دانانا چەندین پلان و بەرنامەیان ژبۆ سەپاندنا سیستەمەكێ نوو و كارل سەر بێتە كرن داكو ئەڤ فشارا دروست بووی ل سەردەروونێ خەلكێ ب هەموو شێوازا ب داوی بێت،چنكو زۆر تشتێن دی هاتینە بۆ خەما خەلكی و پتریا وان ژی ئێدی نكارن ژیانا خۆ یا رۆژانە ببنە سەر.
تُتاح هذه الصورة أيضا في: کوردی
