کاروبارێن مالە ئێزیدیان ل باژارێ کۆلن جهێ دەستخۆشییێ نە
تارقێ حە ســۆ 
مالە ئێزیدیان یاکلتوری ل باژارێ کولن ل وەلاتێ ئەلمانیا هاتیە دامەزراندن ال ١٧ / ٤ / ٢٠١٥ زاینی ژسەدەمێ وێ کۆچبەریا لڤێ داویێ هاتیە بسەر جڤاکا ئێزیدی دە وبتایبەت پشتی فرمانە شنگالێ وێ هێزە تاری و دوژمنێت مروڤایەتییێ خەلکێ مە کریە ئارمانج وکەڤتییە بەر شەپۆلە قوربانییێ وهەتا رۆژە ئیرۆ دبرینێت خوەدا دنالیت و بوویە ئەگەرە کۆچبەریا خەلکێ ئێزیدی و گێمە ئۆل و نەتەوە ل وەلاتێ باب کالان دەرکەڤتینە وقەستا وەڵاتێن ئۆرپی کریە وبتایبەت ئەڵمانیا ، هێژایی گۆتنێیە بێژین ئەڤ مالە کلتوری یاهاتیە دامەزراندن ل سەردەستێ چەند کەسێن رێزدار وخوەبەخش هژمارە وان دگەهتە ١٥ کەسان ٣ ژوانە ژنن و ١٢ مێرن ، تنێ ئارمانجژێ ئەوە خوە دبینن وەکو خەمخۆرێن ئۆل و کلتورو جاندە گەلێ خوە بێ فەرق جوداهی تنێ ناسنامە هژارو بەلنگازێن ئێزیدی ژێرە گرنگە چ لناڤ یا ژدەرڤەیی وەلات ، هەر ل دەستپیکا کارێ خوە کارکریە ب رەنگەکی فەرمی دەما داخوازنامەك تایبەت ژ سەرۆکێ جڤاتا روحانیا ئێزیدیان رە شاندی ورێزدار بابا شـــــێخ ئامەدەکری بۆ رۆژا ڤەکرنە گۆرستانەکێ ل گۆرعرف وتیتالاێن باوەریە ئۆلە ئێزدیاتیێ.
براستی دەمێ من ئەڤ کارێ هویێ ب رومەت دیتی ل ڤی باژاری بو جهــــــێ دەستخۆشیێ و پەیداکرنە پرئۆمێدییەکێ لناڤ گیانێ من دە جونکی وەك کەسێن ل باژارێ کولن ودەورو بەرێ وێ دژیین گەلەک پێ دخوشبوون ودەستخۆشی و دوعایێن خێرێ ژڤێ دەستەکا بەرپسیاررە دخواستن وهەردەم دگۆتن ئەڤەنە جهێ رێزێ ژبەرکو کارێ خوە دکەن بێدەنگبێ بەرامبەر (مقابل )هیج هاریکارییەکێ ژکەسەکی یان ســــازییەکێ وەرناگرن ، هێژایە بێژم ئەڤە زێدەترە ژساڵەکێ کاردکەن بۆ خرڤەکرنا هاریکاریان لناڤ چەندیین خێرو شەران دە برێکا سەندوق دانانێ وبرەنگەك فەرمی دەستوردایە ژلایێ حکومەتا ئەڤی وەلاتی ڤەودابەشدکەن ل سەر کەسێن هژارو بەلنگاز بێ جوداهی چ ژدەرڤەیی وەلات وەکو خزمەت یان ژی فرێدکەن بۆ وانکەسێنبێ مەڤەروهژار حال چ بۆ نەخۆشێن گران یان ژی بۆئەوان کەسێن قورتالبوویین ژ دەستێن درندێن ڤی سەردەمی ،هەر وەسە دکارین بێژین هەردەم سەردانا وان خۆشك و دایکا دکەن ئەوێن ل کەمپان (هایمان ) دژین و بتایبەت ئەوێن ڤێ داویێ کەیشتە ئەلمانیا ژ دەستیێ کافرێن زەمانی قوتالبوون ودابەشکرنا پێدڤێن رۆژانە ، چەندین سمینار ئامەدەکرینە بۆ کەسێن خودان شـــییان ژبۆ گرێدانە جڤاکی بهەڤرە ، هەر دڤی دەمێ کورتدەزارۆكێن مە ژی بێ بەهر نەکرینە ژزمانێ دایکێ بۆ خویندنا کوردی ب پیتێن لاتینی ،ئاریشێن کۆمەلایەتی هەر وەسە خوە لی دکەن خودان ژبلی ئاهنگێن چەژنان دگێرنوخەلکێ مە لهەڤ دجڤینن وەک ئەرکەکێ خوە یێ پیرۆز دبینن ،لێ کارێ هەرێ پیروز وجهــێ دەستخۆشییە بێژم ڤەکرنا زەهمانەکی (گۆرەستانەکێ ) ژبۆ ڤەحەواندنا مریێن جڤاکا ئێزیدی ئەوێن ب ساخییە خوە ژئێک ودو دورکەڤتین لهەڤ بجڤنلهەر جهەکیبت ل ئەڵمانیا ل بەر بهنە بغورە پیرۆز وەکو خەتیر لناڤ دەستێ کابانیا مجێوریدە لگەل دەنگێ تلیلیان وگۆتنا قەولەکی ل سەر زارێ شــــێخەکی یان پیرەکی بێ جوداهییا رەگەزی وکەسایەکی تنێ ناسنامە ئێزیدیاتی بەسە ، براســـتی ئەڤێ مالێ وەکر سەبەقەك ژ قەولێ پیرۆزێ ئۆلە ئێزیدیان لبیرە من ئانی دەمە کەرم دکەت و دبێژت ( کاری بکە بێ خــــش بلا بهێت سەرێ تە هـــــــش ).
ل داوییێ دبێژم هیڤدارم ژهەمو مال ودەزگەهێن خێرخوازێن ئێزیدیان ل وان ئەرکێن سەرملێن خوە خودان دەرکەڤن ژبۆ ڤەحەواندنو خرڤەکرنا چڤاکە خوە ل دەورو بەرێ خوە ژبۆ پاراستنە ئول و زمان وکلتورو جاندە باب وکالان وموکمکرنا نڤشێ زارۆکێن داهاتی ل هندەران جونکی دازارۆکێن مە لڤان وەلاتێن بییانی شەرمێ ژخوە نەکەن وهەردەم خوە بدەن ناسێن ب وەلاتێن جیهانێ رە وبێژن ها ئەمین خودانێن شـــــارستانیەك کەڤن وبەرمایێن هەڤتی وچار فرمانێن بێ وژدان وخودێ نەناس ئەوێن هەر دەم دوژمێنن مرۆڤایەتیێ دخواستنتۆڤێ جڤاکا ئۆلە ئێزیدی ژدونیایێ بنبربکەن لێ هیچ نکارییە.
مجێور لگەل کابانیا خوە لبەر ســـــــمبۆلێ زەهمانێ ئێزیدیان ل کولن
25 – 12 – 2016 Berlin
تُتاح هذه الصورة أيضا في: کوردی
