فەرمانبەرێن ئافرەت دێ چاوان بەلەنسەكێ ئێخنە دناڤبەرا كارێ خۆ یێ رۆژانەدا؟
جوان بەرواری 
ئافرەت ئەو هێلە یاكو دبەر پێلێن ژیانێ دەربازدبت و بتە بشكوژەك بۆ ڤەكرنا هەموو رەنگ و دەرگەهێن ژیانێ بۆ هەبوونا زەلامی،هەروەسان بۆ ڤەكرنا رێیا ئازادە دەستكەفتن جڤاكی ب رێڤەبرنا كاروبارو خزمەتا مللەتان،لەوما دجڤاكێ كوردی دا دەمێ كێمیا تەكنولۆجیایێ پتریا ئافرەتێن كورد رابوون ب كارێ مالداریێ و ل سەرتوخیبێ داب و نەریتیێ كارو بارێن خۆ دمەشاندن،ژبەر هەبوونا وان سنوران و كێمبوونا شیان شارەزابوونا وان ل سەر كاروبارێن پێشكەفتنێ و رەوشنبیركرنێ دبنەمایی دا جڤاك ب شێوەیەكێ گشتی ل سەر باندورا كاروبارێن كوردەواری و گونداتیێ دژیان دبوارێن جودا جودایێن دابینكرنا ژین و ژیارەتیێ دا خودان شیان شارەزابوون،لێ سەرەرای وێ یەكێ ژی بەردەوام هەولدان و بزاڤێن وان ئەو بوون كو بەرەف پێنگاڤێن پێشكەفتن و تەكنولۆجیایێ ڤە بچن و دمژارێن گرنگدا بكەڤن مەیدانێن كاركرنێ دا وهەولێن رێڤەكرنا ژیانێن نوو و گورانكاریێ دكرن تا گەهشتینە قۆناغێن پێشكەفتنێ،لێ رۆژ بۆ رۆژێ جڤاك ب شێوەیەكێ زانستیانە هاتە گهورین و پێشكەفتن بەرەف قۆناغێن بلندبوونێ چوو تا ئیرۆ گەهشتیە دقۆناغەكا نوو دا.
لێ گرنگی دان ئاماژە پێكرنا من دڤێ مژارێدا كو من دڤێت بگەهینم بەردەستێن خوندەڤانێن هێژا ئەو بوویە كو نۆكە پتریا ب رێڤەبرنا كاروبارێن جڤاكی كەفتیە د دەستێن ئافرەتێ دا و ب هاریكاریا شیانێن ئافرەتێ زەلام ژی دبتە بەشەك كو مل ب ملێ وێ كاربكت و پتریا دەبارەكرنا مالێ ئەركێ زەلامی بوویە وكاروبارێن خێزانێ پەروەردەكرنا زارۆكان ب ستۆیێ ئافرەتێ ڤە دئێتە گرێدان،لێ وەكو یادیاركو پرانیا ئافرەتێن ڤی سەردەمی خودان ئەرك وكارێن میری خێزانی نە و پێتڤیە پتریا ژێك ڤاڤارتنا ڤان كاران هەڤژین بتە هاریكار بۆ وێ چەندێ كو وەك پالدەرەك نەهێلت خێزانا وی دەست ژ كارێ خۆ بەردەت و بەردەوام هەول و بزاڤێن وێ دەتە كاری و بەرەف ئاستێ رەوشەنبیریەكا باشتر ببەت،ل ڤێرە پرانیا جاران هەبوونا گلەو گازندان ژلایێ هەڤژینان ڤە هەیە و هەتا گەهشتیە ئاستێ هەبوونا ئاریشێ دلمانێ ژی دناڤبەرا هەردوو هەڤژینان دا ژبەر ئەگەرێ نەبوونا دەلیڤێن دەمی زۆر جاران كێماسی هەبووینە د كاروبارو رێڤەبرنا مالێ دا،لێ ئەڤە ژی نابتە ئاستەنگ بۆ سەكناندنا كاری و تۆرەبوون فشارێن گران دناڤبەرا وان دا.
دڤی دەربارەی دا ب بۆ چوونا من باشترین و سەركەفتی ترین ئافرەتا زیرەك و وێرەك وب بزاڤ ئەوە یا بكارت بەلەنسێ خێزانێ دگەل یێ كاری راگرت،دهەمان دەم دا ژی ب هاریكاریا شیان و شارەزای رەفتارو كریارێن خۆ دكارت خێزانا خۆ ئانكو هەڤژینێ خۆ رازی بكت،چنكو هەبوونا كاری ئەركە كو هەبوونا خێزان و هەڤژینی ئەركەكە هەردیسان ب هاریكاریا دانان و رێكخستنا خشتەكێ رۆژانە كو ل دووڤ پلان و دارێژتنا پێنگاڤێن باش بێتە دروستكرن ئەو ژی بتە ئەگەرێ پێگیریكرنا دەمەكێ گونجای و دەلیڤێن ب مفا،هەروەسان ئەڤ چەندە نەبتە بەشەك ژچوونا چركەیێن دەمێ مرۆڤی و نەرێك و پێككرنا كارێ رۆژانە ،ئەڤجا ئافرەتێن خودان كار دكارن ب ڤێ رێ بەلەنسا خۆ بكاربینن و بەردەوامیێ بدەنە كاروبارێن خۆدا بەرەف رێیێن بلندو سەركەفتی بچن.
تُتاح هذه الصورة أيضا في: کوردی
