پێتڤیە كەسانێن تایبەتمەند دناڤ جڤاتا رۆحانیا ئێزدییا دە هەبن
خێری كودی قائیدی 
وەك ئەم دزانین جڤاتا رۆحانیا ئێزدییا نوونەرا هەمو ئێزدیین جیهانێ یە وسەرپەرشتیا كاروبارێن ئێزدییا دكت چ ل وەلاتی یان ژدەرڤەی وەلاتی، پێتڤیە ئە و ژ كەسانێت بسپۆر وشارەزا دهەموو بوارادە دناڤ جڤاتێ دە هەبن بۆ ب رێڤەبرن وسەرپەرشتیا كارێن جۆراو جۆر دناڤ جڤاكێ ئێزدی دە ب تایبە تی دڤی كاودانی دە،چنكو پشتی كارەساتا شنگال ئێزدی بتر ل جیهانێ هاتنە ناسین ژبەر وێ زولم ودەردە سەرییا ب سەرێ وان هاتی، دپاشەرۆژێ دە ژی ئێزدی دێ پێتڤی گەلەك بیاڤا بن تا بتر خزمەت بێتە كرن لەورا ئەگەر دناڤ جڤاتا رۆحانی دە كەسانێن ئایینی وكۆمەلایەتی ویا سایی وهۆنەری و…..هتد هەبن دا دهەموو بیاڤا دە پێزانین هەبن دەمێ بریارەك دئێتەدان یان هەر كارەك یان پرۆژەك دەمێ بناڤێ ئێزدییا دئێتە ئەنجامدان داكو ژهەر لایەكی جڤات پێ ئاگەهداربت.
هەروەسا گرنگە ژنێ ژی رۆلێ خۆ تێدە هەبت چنكو ئافرەتێ بهایێ خۆ ل نك ئێزدییا هەیە، وەكو ئەم دزانین دسالێن چلان دە مەیان خاتوون دەیكا میر تەحسین بەگ میراتیا كوردێن ئێزدی كریە ل وی دەمی حكومەتێن مەلەكی وكۆماری رێز لێ دگرتن ورۆلێ وێ یێ جڤاكی وسیاسی دناڤ هۆزێن ئێزدییا وبسلمانا دە گەلەك یێ بەرچاڤ بوو وب دیتنا من ئێزدییا بتر ژ هەر مللەتەكی رۆلێ وەسا یێ مە زن دایە ژنێ،لەورا دڤێت ژن دناڤ جڤاتا رۆحانی دە هەبت ودگەل هەموو كەسانێن دی دا بكارن بت رۆلێ خۆ بگێرن بۆچارەسەركرنا هەر ئاریشەكێ دناڤ ئێزدیان دە وبتر ل سەر رەوشا هەر بوویەرەكێ ئاگەهدار بن دا ئەو شاشیێن وەكی نمایشكرنا فلمێ رەشەبا وهەر تشتەكی دی دوبارە نەبن.
پێتڤیە ل كوردستانێ گەلەك پالپشتیا ئێزدییا بێتە كرن،چنكو دهەر كاودانەكی دە ئێزدییا قوربانی دایە ژبەركو كەلتوور وزمانێ كوردی یێ رەسەن پاراستیە ، لەورا دەمێ ئێزدی تووشی هەر زۆرداریەكێ یان نەخۆشیەكێ دبن مەرەما دوژمنی كورد هەموو نە،ئەڤجا ئەگەربتر گیانێ لێبۆرینێ دناڤ هەموو ئۆل و چینان دە هەبت دێ ئاریشە وكێماسی كێمتر بن.
تُتاح هذه الصورة أيضا في: کوردی
