“شێخ شامۆ”سەرەدانا قوتابخانا”رۆناهی” برایەتی ل كۆمەلگەها شاریا كر
تۆرا لالش یا راگەهاندنێ
ل رێككەفتی 26/11/2016ێ”شێخ شامۆ”ئەندامێ پەرلەمانێ كوردستانێ و سەرۆكێ دەستەیا بلندا بنگەهێ لالش،دگەل دا “دلگەش سەلیم”بەرپرسێ بنگەهێ لالش تایێ شاریا و مامۆستا”زهێر بیبۆ”سەرەدانا قوتابخانا رۆناهی یا برایەتی (تاخی) ل كۆمەلگەها شاریا كر و ژ ئالیێ كارگێریا قوتابخانێ ڤە هاتە پێشوازیكرن.
دسەرەدانا خۆ دە بەرێز”شێخ شامۆ” ژ نێزیك ڤە هایداری رەوشا قوتابخانێ ب شێوەیەكێ گشتی بوو و دیدارەكێ دە لگەل كارگێریا قوتابخانێ پشتەڤانیا خۆ بۆ پێشڤەبرن و رێڤەبرنا قوتابخانانێ دووپاتكر و گوهداری ل گلە و گازندێن وان كر كو ئەڤ پرۆسە ب سەركەفتیانە ب رێڤە بچە.
ژلایەكێ دیڤە “شێخ شامۆ”سەرەدانا چەند پۆلا كر و دكورتە پەیڤەكێ دە بۆ قوتابیان دیاركر كو پێتڤیە ورەیا وە یا بلند بە و راستە بارودۆخێ وە یێ دژیانەكا سەخت دا و دژوار و ئاوارەیێ دە دەرباز دبە،بەلێ ئیرادا قوتابیێن مە ل سالا بۆری دا و نۆكە ژی بهێزترە ژڤێ چەندێ و داخوازا سەركەفتنێ بۆ وان كر و پشتەڤانیا خۆ بۆ وان و مامۆستایان دووپاتكر بۆ وێ ئێكێ بكارن ب سالەكا سەركەفتی و پلە و ئەنجامێن باش ئەڤ سالە تەمام ببە.
ل داویێ ژی مامۆستا و كارگێریا قوتابخانێ سوپاسیا”شێخ شامۆ”كرن كو هەر ژ دەستپێكا ڤێ قوتابخانێ ب پشتەڤانیا سەرۆكێ حكومەتا هەرێمێ و شێخی درێخی نەكریە دپشتەڤانی و سەرراست كرنا كێماسی و گازندان دە و چاڤدێریەكا باش بۆ ئاریشێن مە كریە،داكو ب سەركەفتیانە خزمەتا قوتابیان بكەین.
بۆ زانین ئەڤە دووسالە قوتابخانێن برایەتی ب پشتەڤانیا حكوومەتا هەرێما كوردستانێ هاتینە ڤەكرن و دڤان دوو سالێن بۆری دە چارەنڤیسێ زێدەتر ژ 3هەزار قوتابیێن ئێزدی یێن پۆلا دوازدێ قورتال كرینە و قۆناغا قوتابخانێ تەمام كرینە و بۆ زانكۆ و پەیمانگەهێن هەرێمێ هاتینە ڤەگوهاستن.
تُتاح هذه الصورة أيضا في: کوردی
