شێخ شامۆ:دڤێت ئێزدی ب ئاقلانە سەرەدەریێ دگەل ڤی بارودۆخی بكن
تۆرا لالش یا راگەهاندنێ
شێخ شامۆ،ئەندامێ پەرلەمانێ كوردستانێ و سەرۆكێ دەستەیا بلندا بنگەهێ لالش،دچارچۆڤەیێ سمینارەكێ دە ل كۆمەلگەها خانكێ راگەهاند،دڤێت ئێزدی زۆر ب ئاقلانە و بەرپرسانە سەرەدەریێ دگەل ڤی بارودۆخی بكن.
دوهی رۆژا ئینیێ 25/11/2016ێ و ل ژێر دروشمێ( پەرتۆك ژێدەرێ زانست و رەوشەنبیریە)،ب چاڤدێریا بەرێز”شێخ شامۆ” ئەندامێ پەرلەمانێ كوردستانێ و سەرۆكێ دەستەیا بلندا بنگەهێ لالش و ب ئامادەبوونا ژمارەكا زۆر ژ رەوشەنبیر و ئەندامێن بنگەهی و نوونەرێن دام و دەزگەهێن میری و حزبی ل كۆمەلگەهێ،بنگەهێن لالش تایێ خانكێ و شنگالێ سمینار و پێشانگەهەكا پەرتۆكان گێران و ڤەكرن.
ل دەستپێكێ بەرپرسێ لژنا رەوشەنبیری گرنگیا خووندنا پەرتۆكان دیاركر.
ل دووڤ دا بەرێز”شێخ شامۆ”سمینارەك پێشكێشكر وتێدا رۆلێ پەرتۆكان ل رەوشەنبیریا مرۆڤی دا دیاركر،پاش بەحسێ بارودۆخێ هەرێما كوردستانێ وپاشەرۆژا ئێزدیان پشتی شەرێ داعش كر و گۆت:” دڤێت ئێزدی زۆر ب ئاقلانە و بەرپرسانە سەرەدەریێ دگەل ڤی بارودۆخی بكن”.
پاش دەست ب ڤەكرنا پێشانگەهێ هاتە كرن و پتر ژ 200 ناڤ ونیشانێن پەرتۆكان ل سەر ئامادەبوویان هاتنە بەلاڤكرن.
تُتاح هذه الصورة أيضا في: کوردی
