بنگەهێ لالش تایێ شنگالێ سەرەدانا كەمپا شاریا دكت
تۆرا لالش یا راگەهاندنێ
دسەرەدانەكێ دا بۆ قوتابخانێن كوردی و ئەرەبی ل كەمپا شاریا،بنگەهێ لالش تایێ شنگالێ چەندین كەل و پەل پێشكێشی هەشت كارگێریێن قوتابخانان كرن.
ب ئارمانجا دیتنێ ل سەر ئاریشە و پشتەڤانیكرنا وان،دوهی 27/10/2016ێ،”خشو میرزا”بەرپرسێ بنگەهێ لالش تایێ شنگالێ و ئەندامێن نڤیسینگەهێن لالش گرعزێر و چیا،سەرەدانا قوتابخانێن كوردی و ئەرەبی ل كەمپا شاریا كرن ،كو ژمارا وان هەشت كارگێری بوون و چەندین كەل و پەل پێشكێشكرن و ل سەر گرنگترین ئاریشان یێن دنالن ئاخفتن ژبۆ چارەسەركرنێ.
هەر دهەمان سەرەدان دا،چاف ب”هەكار مەحەمەد” رێڤەبەرێ كەمپێ كەفتن ل دۆر رەوشا قوتابیان ل كەمپێ و چاوانیا هاریكاریكرن و پشتەڤانیكرنا وان.
ژبال خۆڤە رێڤەبەرێ كەمپێ دیاركر:”ژ ئەولەویاتێن مە هاریكاریكرنا قوتابیان نە و پشتەڤانیكرنا وان ب هەموو پێكۆل و شیانێن مە”.
تُتاح هذه الصورة أيضا في: کوردی
