نامەكا ڤەكری بۆ هەموو كەنالێن كوردستانێ یێن دیتی وبهیستی ؟؟؟؟
فەهمی بابێ رۆژانێ 
شنگال پارچەكێ رەسەنێ كوردستانێ یە وبدرێژیا دیرۆكێ بەرخوەدان وخەبات كریە،ژبۆ پاراستنا ئۆل وزمان وكولتۆرێ خۆ وچەندین داستان وقارەمانی نواندینە ودسینگێ واندا نفش بۆ نفشی هاتیە ژبەركرن وگۆتن وژبلی چەندین داستانێن ئیشق وئەڤینیێ كو دتۆماركرینە ل زۆربەی تۆمارگەهێن دهۆكا داسنیا وهەموو جۆرێن فیدیۆ وسی دی وكاسێت هاتینە بەرهەڤكرن،ژبۆ فرۆتنێ بۆ هەر كەسێ دڤێت چنكی براستی شێوازەكێ تایبەتە وگوهدارێن خۆ یێن تایبەت هەنە كو زۆربەی هەرە زۆری ئێزدیان كو نۆكە نێزیكی (400)هەزاری دئاوارەنە ل كوردستانێ وئۆرۆپا ودەولەتێن دەور وبەران ومافێ وانە گوهداریا كولتۆرێ خۆ بكن چ ل رادیویا یان ل سەر سەتەلایتا كو ژمارا وان نائێنە هژمارتن ل كوردستانێ وزۆربەی وان یێن هندەك كەسانە ودبازرگانی نە وهندەك ژبۆ پڕ وپاگندا هندەك لایەنێن كوردستانی نە وزۆبەی پەخشێن وان خەلەكێن دۆبلاجكری ژزمانێ تركی یان چینی یان یۆنانی كو ناگونجن دگەل رەوشت وداب ونەریتێن مللەتێ مە ودبنە ئەگەرێ چەندین ئاریشێن جڤاكی ل وەلاتێ مە یێ پڕی قەیران ودەردە سەری وئاریشە بەلێ بابەتێ مە ئەڤە نینە ؟؟.
ئەز دبینم جهێ داخەكا گرانە كو نە رادیۆ ونە كەنالێن ئاسمانی یێن كوردستانێ سترانێن چیایێ شنگالێ پەخش ناكەن نزا بۆچی ؟؟؟؟كو ئەڤە چەندین پرسیاران پەیدادكەت ددەمەكی دە ئەم رۆلێ راگەهاندنێ بپیرۆز وكاریگەر دبینین دئارامی وئاشنا بوون وخۆشیەكا مەزن ددەروونێ گوهداری دا پەیدا دكت ونەخاسمە كارەساتا شنگالێ وئاوارەبوونا ب سەدان هەزار خەلكی بارەكی زۆر خراب وبێ ئۆمیدی پەیداكریە ما دی چی قەومیت هەكە رادیۆ وكەنالێن كوردستانێ سترانێن شنگالێ پەخش بكن وەكی كەنالێ (چرا تی ڤی )كو یێ ئاراستە كریە بزانابوون بۆ مەرەمێن هندەك لایەنێن سیاسی وئارمانجێن خۆ ب سەركەفتیانە ب دەسڤەئانیە ؟؟؟وبدیتنا من برێژا 90%ژ ئێزدیان ڤی كەنالی دبینن وگوهداری دكن وپێ داخبار دبن،ددەمەكی دە چەندێن هۆكار هەنە كو داناڤرا ئەو لایەنە خۆ دناڤ جەماوەری ئێزدی یێ كارەساتبار دا بچەسپینە وبیر وباوەرێن وان وەردگرن ؟؟؟؟بۆچی كەنالێن مە یێن كوردستانێ ڤێ ڤالایێ پر ناكن ؟؟؟؟وسەرەرای چەندین داخازێن فەرمی ژلایێ دەڤەر ودلسۆزێن كوردایەتیا رەسەن ژبۆ ڤەكرنا كەنالەكێ ئاسمانی یێ ئێزدیان بەلێ مخابن نزا بۆچی نائێتە ڤەكرن ؟؟وخەلك هەموو دزانیت كو ژبلی كەنالێن پارتان هندەك كەنالێن كەسان هەنە وبنووترین ستایل وئامێر ومللەتەكی وەكی ئێزدیان كەنالەك نەبیت ودڤان بارودۆخێن نازك ومەترسیدار كو یاری بهەست وسۆزێن ئێزدیان دئێتە كرن وەكی (پەزەكی) بێ شڤان ؟؟؟ودناڤ گورگێن هاردا ؟؟؟.
داخوازا مە دڤێ ناما ڤەكریدا ئەوە كو هەموو كەنالێن ئاسمانی ورادیۆیێن كوردستانێ ل شوونا سترانێن –عەرەبی –تركی –فارسی –هندی – یان زمانەكی بێگانە بلا رێژەكا دیاركری ژدەمی بدەنە سترانێن دەڤەرا شنگالێ،وەكی مافەكێ رەوا یێ مللەتەكی كارەساتبار ودەربەدەر وبەلاڤ وب هەزارن گرتی ودیلكری وب هەزاران كوشتی بەلكی ئەوژی خۆ دچارچۆڤێ كوردستانێ دا ببینن وهندەكێ ژ هەلوێست ودەروونێ وان ئارام بكت ؟؟یان ئەوێن ل هاندەران دژین گوهداری بكن وهەر دگرێدایبن بۆ وەلات وكولتۆرێ خۆ یێ رەسەن ڤە ؟؟وخودێ هاریكارێ خەلكێ كەمپان وكاڤلێن بێ سەروبەر وئازوقێ كێم وبێكاری دا دژین بیت؟؟.
تُتاح هذه الصورة أيضا في: کوردی
