دەستهەلاتداریا ژنێ دجڤاكی دا
چنار شمو قاسم
ل پشت هەر زەلامەكی سەركەفتی ژنەكە سەركەفتی هەیە،ئەڤە بۆچونا گەلەك ژ رەوشەنبیرێن ڤی سەردەمی یە كو گەلەك بهایی ددەتە ژنێ جێواز ژ سالێن بۆری، ژبەركو بوویە مایێ نهێنیا سەركەفتنا زەلامی و هاتیە گۆتن كو ژن نیڤا جڤاكی یە و چ پێ نەڤێت وەسایە، ژبەركو ژن پەروەردەكارا زارۆكایە و دروستكەرا زلامایە و ئەو دەیكە، خوشكە ، ژنە و كچە.
سەرەدەریكرن دگەل ژنێ ژ جڤاكەكی بۆ جڤاكەكی جێوازە، ل هندەك جڤاكان ژن هاتیە بكارئینان بتنێ بو كارێ مالێ و خودانكرنا زارۆكان و بێ بەهر كرنا وێ ژ گەلەك مافێن وێ و هەردیسان سەرەدەریكرن دگەل وێ دهاتە كرن ب شێوەیەكێ نە جوان و هەردیسان شوكرنا بزۆری و شوكرنا وێ دتەمەنێ زارۆكیێ دە،ژبەر ئەگەرێن جڤاكی و ماددی و هەژاریا خێزانێ،ل هندەك جڤاكێن دی مافێن رەوایێن ژنێ لبەر چاف هاتیە وەرگرتن و هەردەم بزاڤ كرینە كو ژن و زەلام ل ئێك ئاست بن و هیچ جێوازیەك دناڤبەرا وان دە نەبن ،هەردیسان مافێن رەوایێن وێ داینێ بۆ نمونە مافێ دەربرین ژ بوچونێن وێ و بێ بەهر نەكرن ژ كارێن سیاسی و پلە و پایێن بلند،گەلەك جاران پرسیار هاتیە كرن ئەرێ مافێ ژنێ چیە؟ یاسایێ هەموو مافێن ژنێ مینا زەلامی پەیرەوكرینە كو مافێ خۆ د جڤاكی دە هەبت و قەبول نەكرنا توند و تیژیێ بەرامبەر وێ و گرنگترین مافێن وێ بەرچاڤ كرینە مینا مافێ خووندن و فێركرنێ هەبت و مافێ پشكداریكرن دپرۆسەیا سیاسی و بەربژاركرن د هەلبژارتنان دە ، هەروەسان جێوازی نەكرن دناڤبەرا ژن و زەلامی دە و یەكسانیكرن دناڤبەرا واندە و بەرگیریكرنا وێ ژ توند و تیژیێ و پاراستنا وێ ژ هەر كریارەكە خراب یا بێتە كرن لدژی وێ وماف د هەلبژارتنا هەڤژینیێ دە و هەلبژارتنا كاری دە هەبت و چەندین مافێن دی یێن سەربەخویی.
ل پێ ڤان مافان وچەندین مافێن دی ل سەردەمێ بەرێ ل كوردستانێ گەلەك ژن خودان دەستكەفتێن مەزن بوون،مینا (مەیان خاتوون) كو سەركرداتیا میرگەهەكە ئێزدیان دكر ل شێخان ،هەردیسان ل سەردەمێ نۆكەدا ژنا كورد جهێ خۆ ل هەموو بواران دە كریە ل پلە و پایێن بلند و كارێن حكوومی و سیاسی وپەروەردەیی دا،لەوما ژی دبێژن ژن نیڤا جڤاكی یە ، نابت ژن بێتە زیندانكرن د ناڤا چار دیوارێن مالێ دە و كار بكت مینا زەلامی وهەڤركی و هەڤكاریا هەڤ بكن،ژ بۆ سەركەفتن و پێشڤەبرنا كەسایەتیا خۆ و خوشكرنا ژیارا خۆ و خیزانا خۆ.
تُتاح هذه الصورة أيضا في: کوردی
