چالاكڤانەك:ژنێن ئێزدی ل كەمپان دە ژ مافان بێ بەهرن
تۆرا لالش یا راگەهاندنێ
چالاكڤانەكا ئێزدی ئاشكەراكر دكت كو ژنا ئێزدی دناڤ كەمپێن ئاوارەبوونێ دە ژ گەلەك مافێن خۆ یا بەهرە،هەروەسا پێتڤی یە ژنێن رزگاربووی بێنە قەرەبووكرن،چنكو تا نۆكە پرانیا وان ژنان د دەردەسەری و نەخۆشیێ دا دژین.
دەربارەی مافێ ژنا ئێزدی چالاكڤان(نازك بەرەكات)بۆ رۆژنامەیا دەنگێ لالش دیاركر:”ژنا ئێزدی ئیرۆ دناڤ كەمپێن ئاوارەبوونێ دە بێ بەهرە ژێ وێ ئاخفتنا دبێژت (دەیك قوتابخانەیە ئەگەر بەرهەڤ كەی تە مللەتەكێ باش بەرهەڤكر) ودیسان یا بێ بەهرە ژ جەژنا دەیكان و ئافرەتان و گەلەك مافێن دیتر،هەلبەت ئەگەری ڤێ چەندێ نازڤرت بۆ كەسەكی كو ئەو بێ بەهر كری ،بەلكو دزڤرت بۆ وان كاودانێن نەخۆش یێن تێدا دژیت و ب تایبەت ل ژێر خیڤەتەكا بچووك دە كو نە وێ و نە زارۆكێن وێ ژ گەرما هاڤینێ و سەرما زڤستانێ نا پارێزت”.
چالاكڤانێ ئەو چەندە ژی ئاشكەراكر:”كو ل 3/8/2014 ژنا ئێزدی وەكی ئێخسیر كەفتیە د دەستێ داعش دا ،ئەوان تیرۆرستا بەریا نۆكە ژیانا ڤێ ژنێ كرینە دۆزەخ و بەردەوام ئەشكەنجەدا و ل وی دەمی گەلەك نەخۆشی ل سەر دەستێ تیرۆرستێن داعشێ دیتینە ، پرانیا وان ژنان ئەو بووینە یێن كەس و كارێن خۆ ژدەست داین ژ مالباتا خۆ ،لێ دیسان ژی ژنا ئێزدی كاری خۆ ژ ئێخسیریێ قورتال بكت،هەڤدەم پێتڤی بوو ئەڤ ژنە بێنە قەرەبووكرن،چنكو تا نۆكە پرانیا وان ژنان د دەردەسەری و نەخۆشیێ دا دژین،ژبەركو چ پلان بۆ دووڤچوون و چارەسەریا وان تا نۆكە نینن ،ڤان ژنان یێن بەریا نۆكە كەفتینە د دەستێ تیرۆرستێ داعش و نها قورتال دبن كەس نەمایە خۆ ل وان بكەتە خودان و خەما وان ڤەرەڤێنت و لبیرا وان ببت،چنكو وان زەلام و خووشك و برا هەبوون هاریكار و پشتەڤانێ وان بوون ل دەمێ دەلیڤا بەرتەنگ ،لێ نۆكە ئەو كەس ژی نەماینە ، كەس و كارێن وان هاتنە كوشتن و گرتن”.
بەرەكات ئەو ژی دیاركر:” كو ئەو دراڤێ ژنا ئێزدی پێ هاتینە كرین و رزگاركرن ژ دەستێ داعش هەموو بوونە قەرزاری و بارگرانی ل سەر ملێ كەس و كارێن وان و ئەڤە ژی بۆ ژنێن رزگاربووی بارگرانیەكا نەخۆشە ژبەر رەوشا مالباتێن خۆ، لەورا پێتڤیە جڤاكێ ساخلەم و كەسانێن شارەزا یێن دكارن سەرەدەریێ دگەل ڤان ژنان بكن پشتی ئازادكرنێ ئەو چاڤدێرێ لێ بكن ، ب گشتی جڤاكێ رۆژهەلاتا ناڤەراست نەهێلان ژن د جڤاكی دە یا هەڤپشك بت دگەل زەلامی دا د مافێ خۆ دە،هەروەسا كۆمەلگەها ئێزدی ئیك ژ وان جڤاكایە كو پیشتەڤانیا ژنێ دكت و تایبەت دچەرخێن بۆری دا ژن یا دیار كری ، نۆكە پشتی ئەڤ ژنە هاتینە قورتالكرن بەرپرساتیا وان یان چاڤدێریا وان دكەفتە سەر ملێ هەموو تەخێن جڤاكی، ژبۆ ڤەگەراندنا وان ب روانگەكێ دروست دناڤ مالبات و كەس و كارێن وان ،داكو جارەكا دی هەست ب بەرپرساتیێ بكەن دناڤ جڤاكی دە بژین”.
تُتاح هذه الصورة أيضا في: کوردی
