نادیا موراد ژ گوندەكێ بێ خودان بۆ بالیۆزا ئاشتیێ ل نەتەوێن ئێكگرتی
سەكار كامل ئۆصمان 
ل تەباخا 2014 ــان ل رۆژا سێیێ ژ هاڤینەكا تژی گەرم هۆڤێن بیابان و كۆنێن رەش و ئەهلێ قەتل و كزب و نیفاقێ شەنگالا كەچا 73 فەرمان و جینۆسایدان كرە ئامانجا خۆ و ب شێوەكی درندانە و دوور ژ بنەمایێن مرۆڤاتیێ فەرمانا 74 ــان پێكئانی و گەلكوژی ل گوندێ كۆچۆ یێ خودێ و حكومەتا عیراق و هەرێمێ ژبیركری پێكئانی و مێر ب رێز كوشتن و كەچ و ژن و زارۆك ب خۆرە برن ل بەر چاڤێن هەفت ملیار مرۆڤێن بێ دەنگ !.
نادیا موراد ئێك ژ كچێن گوندێ كۆچۆیە ، تەرۆریستێن دەولەتا ئیسلامی – داعش – ئەو و گشت كەچ و ژن و زارۆكێن گوندی ب خۆرە برن و لبەر چاڤێن وان برا و بابێن وان كوشتن ب شێوەكی كۆم و هۆڤانە و لبەر چاڤێن نادیایێ شەش كەسێن مالا وێ كوشتن و ژناڤبرن ، و ب سەدان چیرۆكێن جەرگبر روودان ل گوندان و ل چیایێ شەنگالێ ژی كوو چ وژدان و ئەقل تەقەبولا وان ناكن ، كۆلانێن گوند و لاتێن چیایێ شەنگالێ پربوون ژ تەرم و لەشێن بێ روح قەی توو د فكری رۆژا قیامەتێ یە ، د هەمان دەمدا كەچ و ژن هاتنە لاقە كرن ( ئیختیسابكرن ) و كرنە سەبایا بۆ خوە و شەركارێن خوە یێن هۆڤ ، و ب شێوازەكێ درندانە سەرەدەری دگەل كرن و ئەشكەنجە ددان میناك برس و ترس و ئەشكەنجەیێن رەگەز و دەروونی ب ڤێ چەندێ كەتنە نەهامەتیەكا مەزن و بارەكێ زۆر گران.
نادیا ژی ژ وێ ئەشكەنجەدانێ بێ بەهر نەبوو و ب زۆری چەكدارێن هۆڤ بۆ خوە بر و راستی گەلەك روودانێن نەخۆش كرن و تاوانێن رەگەزی و جەستەیی دگەل بكارئانین ، لێ نادیا خودان هێزەكا مەزن بوو و ب هەموو ئیرادەیا خوە یا ژنانی كاری ژ خوە ژ دەستێ وان تەرۆریستان رزگاربكەت و بەر ب ئاسۆیەكێ گەش و ئایندەكێ ئازاد بمەشت ، ئوو هەر زوو نادیا لسەر رێبازێن ئاشتی و مەدەنیانە دەستكر ب خەبات و لەباتا خوە و تا وی رادەیی بتریا سەرۆك و سەرۆكوەزیرێن هەموو جیهانێ و رێكخراوێن مرۆڤدۆست و ئاشتی حەز و پەرلەمانێن ئۆروپی و بتریا جیهانێ لگەل جڤیان،و داخوازا گشت مافێن ئێزدیان كر ب تایبەت داخوازا رزگاركرنا كەچ و ژنێن ئێزدیان یێن هەتا نهۆ ژی ل بن دەستێن تەرۆریستان رۆژانە سەدجاران دمرن و دئێنە ئەشكەنجەدان ، ژبەر رۆلێ وێ یێ ئاشتیانە و مرۆڤاتی ب هاریكاریا رێكخراوا یەزدا بوو كاندیدا خەلاتێ نۆبل یێ ئاشتیێ و بەردەوامبوو لسەر كەد و خەباتا خوە هەتا كاری ببتە بەربژار بۆ پۆستێ بالیۆزا ئاشتی و ئنیەت پاكیێ بۆ نەتەوێن ئێكگرتی ل هەموو جیهانێ و ئەڤ پۆست بۆ وان كەسانە یێن خزمەتا مرۆڤاتیێ دكەن ب شێوازەكێ ئاشتیانە ، نادیاخان كاری باوەریا نەتەوێن ئێكگرتی وەرگرت و بوو بالیۆزا ئاشتیێ و هاتە هەلبژارتن د رێ و رسمەكە هەژی و گرنگ دا و نادیایێ راگهاند پێویستە كەچ و ژنێن گرتی د دەستێ تیرۆرێ دە بهێنە رزگاركرن و دیسا راگەهاند مەژی مافێ ژیانێ هەیە نەك تەنێ وە و خێزانێن وە و ئەڤ پەیڤا جوان بەرامبەر سەكرەتەر و بالیۆز و دبلۆماسێن جیهانێ ب وێرەكی گۆت.
نادیاخان نهۆ وەك تەیرتاوسەكا ئاشتیێ ل گشت ئاسمانێ دنیایێ دگەرت و داخوازا مافێن مرۆڤان دكەت یێن ب زۆری ژێ هاتنە وەرگرتن ، ئەز ب ئۆمێدم نادیا د كارێ خوەدا دێ یە سەركەتی بت و كارێن باش ئەنجامدەت بۆ جڤاكێن جیهانێ گشتێ ب تایبەت جڤاكێ ئێزدیان ، نادیا موراد ژ گوندەكی خەرابات بۆ بالیۆزا ئاشتیێ بۆ نەتەوێن ئێكگرتی یێن ئەمریكا كەتە مەشێ و كاروانێ وێ بەردەوامە و ل دوماهیێ ژی بۆ هندەك كەسان دبێژم نادیا ب سەر وە دا سەركەفت و هوون بن كەفتن و هەر كەسێ دژاتیا نادیایێ و گشت نادیایان بكەت دێ راستی شەرمەزاری و شكەستنێ بت و پێویستە نادیا و هەموو نادیاكان عەرشێ دوژمنان بهەژینن و سەرشۆركەن و ئەم كەچێن خوە ناكوژن بەلكوو ئەم دكەنە بالیۆزێن ئاشتیێ بۆ هەموو دنیایێ.
تُتاح هذه الصورة أيضا في: کوردی
