ژبەر رەفتارێن پەكەكێ ب دەهان خێزانێن ئاوارەیێن ئێزدی ژ رۆژئاڤایێ كوردستانێ ڤەگەریاینە شنگالێ
دەنگێ لالش،ریسالە شەركانی
ژبەر بكارئینانا توندوتیژیێ و رەفتارێن پەكەكێ دگەل وان دە،ب دەهان خێزانێن ئاوارەیێن ئێزدی یێن چووینە رۆژئاڤایێ كوردستانێ یێن ل كەمپا نەورۆز ل دەڤەرا دێرك ئاكنجی بووین، جارەكا دی ڤەگەریاینە مەزارگەهێ شەرفەدین ل شنگالێ.
وەلاتی”سەعدۆ خەلەف”ژگوندێ زۆمانێ ل رۆژئاڤایێ شنگالێ دبێژت:”بەری هەموویا من بریاردا بزڤرمە شنگال،چنكو من بارێ رەفتارێن پەكەكێ نەبوو دڤیان ژن وزارۆكێن مە ژمە بستینن وببەنە سەربازگەهێن راهێنانێ وچەكی بدەنێ ، ل رۆژا3/8/2016ل سالڤەگەرا دووێ یا كارەساتێ مە ئالایێن وان رانەكرن ژنێن مەدانە بەر دارا ومە ڤیدیۆ ژی یێن هەین، هنگی من بریا ردا بزڤرم و38 خێزانێن دی دگەل من هاتن ، خوارن و هاریكاری ژی ژمە بڕی بوون و رێكخراوەكە ئوسترالی سەرەدانا مەكر ودڤیا مە ببەتە ئوسترالیا،لێ پەكەكێ دەرفەت نەدامە ژكەمپێ دەركەڤین”.
هەروەسا وەلاتی”فەریدە مسكین” ژكۆمەلگەها سیباشێخدرێ ل شنگالێ گۆت:”ژدەما ئەم بەرەف رۆژئاڤایێ كوردستانێ ڤە چووین ژدەستپێكا كارەساتێ هەتا نۆكە مە گەلەك نەخۆشی ژدەستێ پەكەكێ دیتی یە،پەكەكێ داخواز ژمە دكر ئەم بگەهینە وان مە قەبول نەكر وئەم هاتینە هێرە لێ هاریكارییا مە وەك پێتڤی نائێتە كرن و ئەم پێتڤی هاریكاریێن مرۆڤی نە و یێت دكاودانەكێ نەخۆش رە دبۆرین ،دیسان ل دەستپێكا هەیڤا بۆری 38 خێزان ژ كەمپا نەورۆز هاتینە بەر مە زارێ شەرفەدین دكەمپەكە بە روەخت دەنە وبارێ وان نەیێ باشە”.
تُتاح هذه الصورة أيضا في: کوردی
