سەعید جردۆ:ئاوارەیی كارەسات و سەربۆر
سەعید جردۆ
بێگۆمان داگیركرنا وەلاتان و دەربەدەركرنا خەلكێ وان یێ رەسەن جدایی كریارێن هۆڤانە یێن ددەرهەق وی خەلكی ژ ئالیێ داگیركەران ڤە دئێنە ئەنجام دان،برینەكا یەكجار كوورە ڤێ چاوا ئەگەر داگیركەر رێكخراوەكا تیرۆرستیا بێ وژدانە وەكو داعش بێت؟.
وی دەمی برین كوور تر لێ دئێت و سایكلۆژیا مرۆڤ دهەرشێ،یا رێكخراوا تیرۆرستیا داعشێ ددەرهەق مللەتێ كورد ب گشتی و كوردێن ئێزدی ب تایبەتی ئەنجامدایی دوورە ژ هەموو پیرۆزاتی و بەها و پرانسیپێن مرۆڤایەتی ،نەخاسمە دەست درێژیكرنا سەر كچ و ژنان ب دەستێ زۆرێ،ئالیێ دەروونی یێ یەكجار تال و ژیارا پر زەحمەتا ئاوارەیێ مرۆڤ ژ خەونان ژی بەهر دكن،لێ سەرەرایی وێ دەردەسەری و مالوێرانیێ ژی سامانەكا پر سەربۆر ژی ب دەست مرۆڤ دكەڤێ وەكو میناك برایەتیا بێ وێنە یا خەلكێ پارێزگەها دهۆكێ ب هەموو دەڤەرێن خۆ ڤە خویاكری ل دەما درێژكرنا دەستێ هاریكاریێ بۆ هەموو ئاوارەیان،نەخاسمە كوردێن ئێزدی ب پیتێن زێرین ل وژدانێ هەر خودان وژدانەكی دا دئێتە نڤیسین.
دیسان یەكتر ناسینا خەلكەكی ل رۆژێن دژوار و تەنگاڤیا دە و وەرگرتنا وانێن جودا جودا ل بیاڤێن سەبر و هەدارێ و خۆ راگرتنێ،هەروەسا فێربوونا هزركرنا كوور ل بۆری و نۆكە و پاشەرۆژێ هەموو دبنە خالێن گەش ل لاپەرەكا دیرۆكا دیرۆكا پر كول و كۆڤان و كەسەردا.
تُتاح هذه الصورة أيضا في: کوردی
