ئـێـزدیـاتـی هـێـڤـێـنێ سـونەتـێ یە
پیر خەلات ئەلیاس
سونەت ژ نورا خودێ هاتییە و سونەت ژیانە پاکە لەورا مللەتێ ئێزدی هەررۆ سبا و هێڤارا ل پێش بەری نورا خودێ دسەکنن و دەستێن خۆ بۆ خودێ پەروەستە دکەن و سجوودەیێ و عیبادەتێ و مەدح و سەنا بۆ خودێ دکەن و ژ وێ نورێ سونەت پەیدابوویە و ژین و ژیان و حەقی و راستی ئێک و دوو تمام دکەن و دبتە هێڤێنێ سونەتێ .
بەلێ هەر کەسەکی بێتە سەر روویێ عەردێ ژیان دڤێت و هەمو تەرزێن ژیانێ خۆشنابن هەکە هەقی و راستی نەبت و هەر دەمێ راستی و هەقی هەبت تەنایی و ئارامی دێ رێکێ دەنە ئینسانە پێشکەفتنێ بکەت و بیر و باوەرێن خۆ موکم بکەت و ئیمان ب ئێکانیا خودێ هەبت ئەو کەس دێ بتە هێڤێنێ سونەتێ.
ئێزدیاتی حەقیقەت ـ عەدالەت ـ رێیا راست ـ سەدق ـ باوەری ـ ئیمان ـ تفاق ـ تەبایی ـ بەختەوەری هەموو ژ سونەتا نورا خودێ هاتییە و هەکە نەژ نورا خودێ بت سونەت ژیان نابت لەورا د ئێزدیاتیێ دا دایە دیارکرن ژ ئەدەبێ دینی دبێژت: رامان و واتایێن سونەتێ ئانکو ژیان ب هەقی و راستی بۆ ئێکانیا خودێ.
ژ ئەدەبێ دینێ ئێزدیان ژ قەول و دوعایان دەتە ناسین و دیارکرن ژقەولێ جەلەوێ :
مەلەک شێخ سن دەست هاڤێتە پەرێ قودرەتێ
هناتە عەرێ دانا دەستێ برایێ ئاخرەتێ
گۆت: ئەڤە بۆ شەفائەتا ئەهلێ سونەتێ .
ژ قەولێ ئەرەب بەگی:
ئەڤ قەول قەولێ ئەرەب بەگی یە
پەدشایێ من ئێکی بێری یە
سونەتخان بناڤێ سلتان ئێزی یە.
سونەت ژبەری ئادەم بوو
ل بەر فروارا نورا شێشم بوو
هێڤێنێ سونەتێ ژ هەر و هەر بوو .
دبێژمە وە گەلی سونەتێ
رۆژێ سەد مەحەک ب سەرێ وەتێ
ژ بەر حەسوودیا شرعەتێ .
دبێژمە وە گەلی سونی یە
دەستا بەرنەدەن ژ مالێت ئادی یە
هیڤییا وان زۆر هیڤی یە .
ژ قەولێ شرورا ( تاریخە):
وەعد هاتییە دێ داهربت سلتان ئێزی یە
پەدشایێ من ل سونەتێ ب رەحم گەری یە
ئەوێ رۆژێ گورگ رەدایێ دخوازە ژ می هە .
تەسکەرەک هاتی ژ دیوانا ئێزی یە
شێشمس ل سونەتخانێ کر هێڤی یە
سلتان ئێزی سونەتخان عافکری یە.
ژ قەولێ مەلک ناسردین:
رۆژا خیڤەتا تەرەف زێڕین دەرکەڤی
ئەوێ رۆژێ دێ دنیا و عالەم دێ لێک کەڤی
ئەوێ رۆژێ سونەتخان دێ ل خۆ ب شک کەڤی.
ژ قەولێ ئافراندنا کنیاتێ:
پەدشایێ من حەد و سەد چێکرن
شەریعەت و حەقیقەت ژێک ڤەکرن
سونەتا مخفی بو هنگی داهر کرن.
ژ دوعایا سبێ:
سونی دسونی نە
زەبوونی دماندی نە
ب شێشمس هێڤی نە .
سونی سونەتە
زەبوونی کێم تاقەتە
ب شێشمس ئەینەتە .
ژ دوعایا هێڤاری
یا شێشم ڤەکە دەریێت خەزینە
خەلاتا ژێ دەرینە
سونەتخانا ل هیڤیێ نە .
ژ دوعایا هەیڤێ :
پیرۆز و ئەمبارک ئەلاهـ و تەبارک
ئەهلێ سونەتێ ئەهلێ رەحمەتێ
ل دەریێ کانیا سپی دگرن تەریقەتێ .
* یێ تەما خودێ یە *
تُتاح هذه الصورة أيضا في: کوردی
