ته‌مموز 20, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

برجس خدر:ئێزدی و ٩ سال پشتی جینۆسایدێ

ئێزدی و ٩ سال پشتی جینۆسایدێ

برجس خدر
٩ سال ب سەر جینۆسایدا شنگالێڕا دەرباس دبنو هەتا نها ژی ب تنێ ل ٣یێ تەباخێ ئەڤ جینۆسایدە دهێتە ل بیرئانین، قەبارێ ڤێ جینۆسایدێ ژ وێ یەکێ مەزنترە ب تنێ ل هەمان ڕۆژا جینۆسایدێ بهێتە ل بیرئانین.
دڤێت هەموو وەختا کار ژ بۆ ڤێ جینۆسایدێ بهێتە کرن و بەردەوام داکۆکی ل مافێ گەلێ ئێزدی بهێتە کرن و ئەڤ یەکە ژی دڤێت ژ ئێزدیان ب خوە دەست پێبکە و پاشی ژ لایێ هەردوو حکومەتێن هەرێم و بەغدا، و هەردم گلە و گازنێن ئێزدیان و خەلکێ شنگالێ ژ حکومەتا فیدرالە ئەڤ یەک ژی  بۆ وی ئەگەری دزڤریت کو شنگال نها ل ژێر دەستهەلاتا بەغدایە، و هەروەسا هەتا نها ژی حکومەتا عیراقێ تاوانێن داعشێ دژی ئێزدیان ب جینۆساید نەداینە ناسکرن، و ئەڤ چەندە ژی بوویە جهێ دلگرانییا خەلکێ شنگالێ و ئێزدیان ب تایبەتی،
ژ لایەکێ دیڤە شنگال ب تەمامی ژ لایێ حکومەتا عیراقێڤە هاتیە پشتگوههاڤێتن سەبارەت دابینکرنا خزمەتگوزارییان، ب تنێ هندەک پرۆژە نەبن ئەو ژی ژ لایێ رێکخراوانڤە هاتینە جێبەجێکرن،
دیسان خەلکێ شنگالێ هەتا نها ژی نەهاتییە قەرەبووکرن ژ لایێ حکومەتێڤە بەلکو خەلک هاتییە ئاگەهدارکرن بۆ پێشکێشکرنا مامەلەیێن وەرگرتنا قەرەبوویان، لێ خەلکێ ئەو بەهوەری نینە کو بهێنە قەربووکرن لەورا ژی د پشکێشکرنا مامەلەیێن خوەدا ب ئاوەیەکێ ب لەز نینن.
هەروەها سەبارەت ڤەگەڕیانا ئاواران ژی ژ کەمپان ئەو دەلیەڤە بۆ خەلکێ شنگالێ پەیدا نەبوویە هەتا بکارن ب ئاسانی فەگەرن جهێن خوە، ئەڤە ژی ژ بەر ئەگەرێن مە لسەری بەحسکرین،
دیسان خەلکێ شنگال و ئێزدیان گازنا وێ یەکێ هەیە کو پرۆسەیا ب جینۆساید ناسکرنا تاوانێن داعشێ ب سستی ب ڕێڤە دچە، و ئەڤ یەکێ ژی کاریگەریەکا مەزن ل سەر ناخ و دەروونێ  خەلکێ ئێزدی کرییە لەوما ژی کۆچکرن و ب جھ هێلانا وەلات ب باشترین ڕێک بۆ خوە دزانن.
هەورەها هژمارەکا زۆرا روفاتان هەتا نها نە هاتیبنە ڕاکرن و کەسوکارێن شەهیدان چاڤەڕێیی حکومەتێنە تشتەکی ژ بۆ وان بکن.
ئەڤە د دەمەکیدایە ل ٣ێ تەباخا سالا ٢٠١٤ ڕێخکراوا داعش تاوانێن هۆڤانە دژی ئێزدیێن شنگالێ ئەنجادان و ئێزدی کۆمکۆژکرن و هەژمەرەکا زۆر ژی وەکو دیل کەتن دەستێ داعش و یێن ماین ژی ئاوارەی هەرێما کوردستانێ بوون و هەتا نها ژی د کەمپاندا دئاکنجینە و ب تنێ هژمارەکا کێم ڤەگەریانا سەر مال و حالێ خوە و ئەو ژی د بارۆخێن سەخت و دژواردا دژین ژ بەر نەبوونا خزمەتگوزاریێن دەستپێکی و سەرەتایی.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi