ته‌مموز 21, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

كاروان خانكى:په‌نابەری ژی نە چارەسەری یە؟

په‌نابەری ژی نە چارەسەری یە؟
كاروان خانكى

من ئەڤ بابەته‌ هەلبژارت داكو دووبارە کاروانێ په‌نابەریيێ ب کۆمەلێن مەزن دەست پێ دکەن، هەر چەند ئەم بێژين و ببیننه‌ زمان دبت ئەم نکارين یا مە دڤێت بجهـ بينن، لێ یا ئەز بەحس دکم ل پێشەرۆژێ ئەم دێ باجا ڤان شاشييان ده‌ين.
پتریا ئێزدیيان ئاکنجیێن هەرێما کۆردستانا عيراقێ نە، و وەک یا دیار و ل سەر ڤێ چەندێ ديده‌ڤانه‌، ئێزدی ژبەر ڤی زمانێ شرین و کلتورێ زەنگین و فەلسەفا کەڤنار و هۆنەر و ئەدەبياتا مەزن و دەڤەرێن جوگراڤی یین ستراتیژی بەردەوام کەفتينە بەر هێرشێن دەوروبەرێ خوە و دوژمنان ل هەموو جیهانێ، بەلێ ژبەر (ئیرادە و هێزێ) چ شەر و فەرمانان نکارین مە ژ ناڤ ببەن، بەلێ پشتی سالا ٢٠١٤ێ ئەم هەموو تاکێ ئێزدی دناڤبه‌را دوو خالان دا ئاسێ ماينه.

ئێک : ئەرێ ئەز ل وەلات بمینم.
دوو: یان ژی وەلات نە جهێ منە ژبەركو ژ من ره‌ بوویە گۆرستان.

ب كورتى ئەزدێ هەول ده‌م بۆچۆنا خوه‌ بینمه‌ زمان: ب دیتنا من دڤیابە رێبازا باب و کال و داپیران رێڤە دبر يا به‌رده‌وام بت كو ئەوژی تاکێ ئێزدی دیسا هزرا خوە بکەت و ئیرادە هەی بەردەوام بکەت، کارەب و ئاڤ و موچه‌ و فرمان و شەر و سڤكاتى کرن مە ژ ئالیێ خەلک و لایه‌نێ دن ڤە بلا نەبنه‌ رێگر ئەم ناسکرنا خوە ژ دەست بده‌ين و ئەڤ تشتێن مە هەين کێم بکن یان ژی ژناڤ بچن ژبەركو ئاریشە هەموو دێ چارەسەر بن، وەختەک دێ ئێت هەموو پێتڤياتيێن ژیانێ و خزمەتگوزاری دێ ب ده‌ستڤه‌ئێن و ئەم دێ ب هێز بين کەس نکارت سڤكاتيێ ب مە دکەت و دیسا ئەم دێ هێدی هێدی ژ فەرمانان ژی رزگاربين، و دڤێت ئەم هەموو ڤی وەلاتی ب وەلاتێ خوە ببینن و حژێ بکەين و بپارێزين، و چۆنا ژ ده‌رڤه‌ى وه‌لاتى ژی باشی و خرابيێن خۆ يێن هەين.

ژ باشیان ژى ل ڤر ئه‌م دکارين بتر دەنگێ خوە بگەهیننه‌ جیهانێ و بتر ببنه‌ هەڤالێن دەولەتێن زلهێز و راستە تە دێ خوارن و ڤەخوارن و بتر پێتڤيێن ژیانێ دێ ل به‌ر ده‌ست هه‌بن بەلێ دڤێت ئارمانجا مە مەزنتر بت ژ پێتڤيێن سەرەکیێن ژیانێ.
خالەکا دن ژى ئارامی و خۆشگوزەرانيیا ژیانێ تا رادەيه‌کی مەزن باشترە لێ وەکى من ئاماژە پێکری.
خرابیا وێ ژی ئەوه‌، دگەل بۆرینا وەختى هاتنا ئێزدیا ژی دێ لاپەرەکێ رەش ل دیرۆکا پەرتووکا فەرمانان دا زێدە کت ئەو ژی فەرمانەکا بەس فەرمانەکا هێدی و ئاقلانەیە، گەلەک جاران مە گەنگەشه‌ کریيە سەر ڤان بابەتان و هاتیيە گۆتن بلا ئەڤ فرمانه‌ بت چنكو باشترە ئەم ل جهێ خوە بن وەلاتێ خوە بن، ئەز دێ دووبارە کم هەبوون و پاراستنا مە ل وەلاتێ مەیە ، هیڤی خوازم ئەم هەموو ب هزرێن مەزن بریاران بده‌ين، بلا ئەم بەس ببينه‌ قوربانیێن هزرێن خوە و هزرا خەلکێ!.
وەلاتێ مە هەبوونا مەیە و هەر مللەتەکی ناسنامە خوە هەیە و ئه‌ڤ چه‌نده‌ دڤێت ئەرکەک بت ل سەر ملێ هەر تاکەکی، زمان و ئاخ و هونەر و کلتور و دیرۆک و ئەدەب و فەلسەفە خوە ب پارێزت .
ل دوماهیکێ ژی پرسیارا من ژ مە هه‌موويان ره‌ ئەوه‌ و پاشی گه‌نگه‌شێ دگه‌ل هزرێن خوه‌ ب كه‌ين ئه‌وژى ئەرێ ئەم وەلاتى بهێلين چارەسەریە ؟ یان ژی ئەم هێز و ئیرادا خوە بینن بەری هێلانێ کیژان ژڤان دێ کارت ل پێشەرۆژا مە بتر خوە ل کلتۆر و ئاخ و زمان و هۆنەر و دیرۆکا مە خوە بکت خودان ؟
بەرسڤ ژی توو دکاری ب خوە بەرسڤێ بده‌ى.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi