ته‌مموز 13, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

منی عبدالسلام:خێزان كەسایەتیێن سەركەفتی ئاڤا دكەت

خێزان كەسایەتیێن سەركەفتی ئاڤا دكەت
منی عبدالسلام
‎خێزان ئێكەم قوتابخانا پەروەردێ‌ یە بۆ زارۆكێن خۆ و هەروەسان ئێكەم بریاردەرە بۆ ئاڤاكرنا كەسایەتییا زارۆكی، و بریارێ‌ ددەت كا دێ‌ زارۆكێ‌ خۆ ب چ جۆرێ‌ كەسایەتییێ‌ ئاڤا كەت، وێرەك یان ترسنوك یان سەركەفتی یان شكەستی یان درەوین یان ڕاستگۆ یان كۆڕە و لاڵ و بێ‌ دەسهەلات یان ب چاڤ و ب ئەزمان و ب دەسهەلات ئەڤنە هەموو د دەستهەلاتا خێزانێ‌ دانە.
كەسایەتییا زارۆكی هەر ل وی دەمی دئێتە ئاڤاكرن دەمێ‌ هەست ب هەبوون و دەوروبەرێن خۆ دكەت و دبینت و دئاخڤت و گوهلێ‌ دبت و تێدگەهت ئەڤە هەستیار ترین قۆناغە بۆ ئاڤاكرنا كەسایەتیا مرۆڤی، لەوران پێتڤییە خێزان ڤیان و باوەرییێ‌ و حەز ژێكرنێ‌ پێشكێشی زارۆكێن خۆ بكەن،داكو ل سەر وی بنیاتی پەروەردە بن ئەڤجا بلا ئەم ب بینە ئەو دەیك و باب یێن كەسایەتیێن ب هێز ئاڤادكەن،دەمێ‌ زارۆك مەزن دبت و دگەهتە قۆناغا قوتابخانێ‌ و دیتنا جیهانا ژدەرڤە پێتڤییە ئەم گەلەك د هشیار و چاڤ ڤەكری بین، ژبەركو ڕۆژانە هەڤالێن نوو و ڕەوشت و ڕەفتارێن نوو دبینن، ئەڤجا هێدی هێدی نێزیكی قۆناغا پێگەهشتنێ‌ دبن و تێكلی هەڤالێن نوو و جیاواز دبن و مەزن دبن و چاڤێن وان ل ژیانێ‌ ڤەدبن، پێتڤییە د ڤێ‌ قوناغێ‌ دا ئەم دگەل زارۆكێن خۆ هەڤال بین و ب زانین ڕۆژانە چی دكەن و دگەل كێ‌ هەڤالینیێ‌ دكەن، ژبەركو هەڤالێ‌ خراب ڕەنگە وەكی خۆ لێ‌ بكەتن و خرابتر ژی، ئەڤجا هەڤال بە دگەل زارۆكێن خۆ و سەربۆرێن خۆ یێن ژیانێ‌ بۆ وان بكە نموونە دگەل ب ڕوونە و باخڤە ببە نێزیك ترین هەڤال، ژبەركو هەستیار ترین قۆناغ د ژیانا مرۆڤی دا قۆناغا پێگەهشتنێ‌ یە ئەو قۆناغەیە مرۆڤی ئاڤا دكەت یان ژناڤ دبەت،ئەڤ قۆناغە گەلەك یا هەستیارە ئەگەر مرۆڤ ب سەركەفتییانە دڤێ‌ قۆناغێ‌ ڕا بۆری هەر دێ‌ ل سەر وی بنیاتی مینت یێ‌ تە بۆ دانایی.
ب بنیاتەكێ‌ ب هێز و سەركەفتی ئەم دێ‌ پشتراست بین كو مە كەسایەتیەكا ب هێز و باش و سەركەفتی یا ئافراندی،گەنج و لاو ستوونا وەلاتێن سەركەفتی نە، ئەڤجا بلا ئەم ڤان ستوونان باش ئاڤا كەین.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi