نیسان 15, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

پیر خەلات ئەلیاس:هەیڤا ڕەنگین خەملە و مزگین

هەیڤا ڕەنگین خەملە و مزگین
پیر خەلات ئەلیاس
هەیڤا نیسانێ‌ بەهار د خەملیت و خۆشی و هەناسا هەیڤا نیسانێ‌ پێ‌ گەش دبن روح و گیان، ئەڤ هەیڤا یە ڕەگینە و چەن هزر بیرێن كێم و زێدە هەبن ل ڤێ‌ هەیڤێ‌ تێنە راسڤەكرن هەر وەكا ناڤێ‌ خۆ و سروشتیا بەهارێ‌ و گەشبینە و خۆشی هزرێ‌ راستڤەدكەن.
خەملا هەیڤا نیسانێ‌ خەملەكە سروشتییە ژ رەز و باغا و مێرگ و كانیا ژ دەشت و چیا هەموو نەفائیز و خۆشییە، مزگینیێن هەیڤا نیسانێ‌ وەكا هیڤی و ئۆمێدا نە ، بەرێ‌ خۆ بدە جەژن و هەلكەفتان ل هەیڤا نیسانێ‌ دێ‌ زانی هەیڤەكا پڕ پیرۆزە،ژ ئەدەبێ‌ دینێ‌ ئێزدیان ژ قەولێ‌ پەدشایی دەتە دیاركرن:
پەدشایێ‌ من ئێكی ئەمینە
ژ باوی تێتن مزگینە
بۆ هەموو موخلقا و چەندی دینە
شرۆڤا ڤێ‌ سەبەقا دینی دەتە زەلالكرن: ئەو مزگینیا ژ جەم خودایێ‌ مەزن تێت بۆ هەموو موخلقا هاتنا عید و هەلكەفتایە ،لەوما دڤێت هەر كەسەك پێشوازیا وێ‌ مزگینیا خودێ‌ بكەت ئەو مزگینی عید و هەلكەفتن، بەرێ‌ خۆ بدێ‌ ل ئەڤێ‌ سالێ‌ و ل ڤێ‌ هەیڤا نیسانێ‌ چەند عید (جەژن) هاتن وەك مزگینیا خودێ‌ مەزن،عید الفصح یا مەسیحیان و عیدا چارشەمبوویا سۆر یا ئێزدیان و عیدا ڕەزوان یا بەهائییا و عیدا ڕەمەزانێ‌ یا موسلمانا و ئەڤ هەر چار عید دكەفتنە د هەفت ڕۆژاندا هەر ژ ڕۆژا 16/ 4 هەتا 21 /4/2023.
بۆ زانین ل ڤێ‌ سالێ‌ دا هەموو پێكهاتێن كوردستانێ‌ پێشوازیا ڤان عیدا كرن ب دلەكی ڤەكری و هەر كەسێ‌ عیدانیا خەلكێ‌ كر،ئەوی كەسی پێشوازیا مزگینیا خودایێ‌ مەزن قەبولكر و دێ‌ خێرێ‌ بینت و هەر كەسێ‌ خۆ بڤێتن دڤێت ڕێزێ‌ ل بەرامبەری خۆ بگرت.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi