كانونی یه‌كه‌م 11, 2023

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

هەلز عەلی سەلیم:گەریانەك دمەزناهیا جیهانا لەشێ‌ مرۆڤی دا

گەریانەك دمەزناهیا جیهانا لەشێ‌ مرۆڤی دا
هەلز عەلی سەلیم
مرۆڤ ئەو رەگەزێ‌ بتنێ‌ یە، كو دئێتە هژمارتن ب پێشكەفی ترین تشت ژلایێ‌ هەست و عەقلی ڤە, كو زانستێ‌ مرۆڤان گرنگیێ‌ ددەتە هەموو جۆر و ریشالێن مرۆڤان.
كەسی نكاریە مەزناهیا دناڤ لەشێ‌ مرۆڤاندا ب بینت ژبەر ڤێ‌ چەندێ‌ چەندین وەلاتێن جیهانێ‌ گرنگی ب ڤی زانستی دایە ژوانژی وەلاتێ‌ ئەلمانیا كو ل چەندین باژێرێن خۆ مۆزەخانە ڤەكرینە ژوانژی هایدلبێرك كو دكەفتە كانتۆنا بادن فورتمبیرك،ئەڤ مۆزەخانە پێك دئێت ژ لەشێ‌ مرۆڤان و هندەك گیانەوەران, زانستێ‌ فیسۆلۆجیێ‌ پێكئینانا لەشێ‌ مرۆڤی ددەتە ناسین بگرە ژ لەشی و دەمار و ماسولكەیان ب رێیا مادەیێن كیمیاوی بۆ هشككرنا لەشی داكو پاراستنێ‌ ل سەر لەشی و رەهان بكەن ژناڤبرنێ‌, دهەمان دەمدا ب رێیا پارچەیێن ڤیدیۆیی ب پانی و درێژی پێكئنانا لەشێ‌ مرۆڤی ژناڤدا ب روونی ددەنە دیاركرن, دیسان هەر كریار و لڤینەك هەست و خۆشیەكێ‌ ژئەنجامێ‌ كریارێن دەستنیشانكرینە دلەشێ‌ مرۆڤی دا.
ل مۆزەخانەیا جیهانا لەشیدا( Körper Welten) مرۆڤ دكارت هەموو مادەیێن زانستی بكار بینت داكو بزانت چ دناڤ لەش و سەروچاڤێن مرۆڤی دا هەیە ئەڤەژی هەستێن خۆش و نەخۆش ددەتە مرۆڤی دەمێ‌ مەزناهیا خودێ‌ ب ڤی رەنگی دبینت, دیسان مرۆڤ فێری گەلەك تشتێن گرنگ ل سەر ساخلەمیێ‌ و هەستێن ئەرێنی و نەرێنی یێن لەشی یێن هەمەجۆر دبت, ژبەر ڤێ‌ چەندێ‌ هەبوونا ڤان جۆرێن مۆزەخانا و ڤەكرنا پێشانگەهان ل سەر ساخلەمیا لەشی گرنگییەكا مەزن هەیە ژبۆ هەبوونا ژیانەكا ساخلەم و چەوانیا پێكئینان و كاركرنا لەشێ‌ مرۆڤی, ل هەر وی دەمی دێ‌ مرۆڤ لەشێ‌ خۆ دانتە بەری عەقلێ‌ خۆ،ب رێژەیا 88% مرۆڤان لەشێ‌ خۆ پێشكێشی ڤێ‌ مۆزەخانێ‌ كریە ئەوژی وەكو خزمەتكرن د كێشەكا پاقژ دا و چەندین ئەگەرێن دیژی هەینە، ل گۆر ئامارا پەیمانگەها پلاستیشن ل هایدلبێرك ل وەلاتێ‌ ئەلمانیا (14982) كەسان لەشێ‌ خۆ پێَشكێش كریە ژبۆ پلاستیك كرنێ‌.
داهێنەرێ‌ پلاستیكی(D.Gunther von Hagens)گرنگی دایە پلاستیشێن بۆ پاراستنا لەشی ژناڤبرنێ‌، دووڤدا (D.Angelina Whalley) چەندین كارێن زانستی ل سەر لەشێ‌ مرۆڤی كرن داكو پاراستنێ‌ ل سەر پلاستیكی بكەن ئەڤێن د.هاگێنز ئاشكەرا كرین، دیسان چەندین پێشانگەه ڤەكرن سەركەفتنێن مەزن ئینان كو بتر ژ 45 ملیۆن كەسان ژ كیشوەرێ‌ ئەورۆپا و ئەمریكا و ئەفریقیا سەرەدانا وی جی كرن و نۆكەژی رۆژانە قوتابی و مامۆستا و خەلك سەرەدانا مۆزەخانا ناڤبری دكەن.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi