رێککەفتنا 11ی ئادارێ
دلڤين خه‌له‌ف 
بۆرینا (٥٢) ساڵان لسەر رێککەفتنا ١١ی ئادارا ساڵا ١٩٧٠ێ لسەر دەستێ رێبەرێ گەلێ کورد بارزانیێ نەمر وەرچەرخانەکا دیرۆکی بوو ژبۆ مللەتێ کورد ودەستپێکا نەمانا زولم وستەمێ بۆ لسەر خەلکێ کوردستانێ وئەڤ رۆژا مێژۆیی دەستکەفتەکی گرنگ بوو ژبۆ بدەستڤەئینانا مافێ یاسایێ گەلێ کورد وسەرکەفتنەکا مەزن بوو ژبۆ پێشڤەچۆنا دۆزا وی یا رەوا.
ئەڤ رێککەفتنە ژبۆ مللەتێ کورد پێنگاڤەکا سەرکەفتی بۆ بەرامبەر زۆرداریا دوژمنێ گەلێ کورد یێ کو ل درێژیا دیرۆکێ هاتیە تەپەسەرکرن ومافي وی هاتیە خوارن لسەر دەستێ رژێمێن دکتاتۆری ل عیراقێ وهەروەسا بوویە بەرێ بناغێ ژبۆ پێکڤەژیانا هەموو پێکهاتەیێ بێ دەستهەلات ل عیراقێ وبوویە سەرکەفتنەکا مەزن لسەر سیاسەتا نەژادپرێسی یا نەتەوەی بگشتی.
رێککەفتنا ١١ی ئادارێ بەرهەمێ خوینا هەزاران شەهیدێن نەمر وبها گران ودرێژیا خەباتا ساڵێن سەخت ودژوار یا پێشمەرگەهێن خۆراگر وبەرخۆدانا خەلکێ وەفادارێ کوردستانێ بوویە وئەنجامێن وێ بووینە شەمالەکا گەش ئەڤرۆ وەلاتێ مە پێ رونی بوویە وبەرەف سەردەمەکی پێشکەڤتی ڤە چوویە، لەوما فەرە لسەر هەموو خەلکێ کوردستانێ هەر ساڵ ڤێ بیرەوەریێ بشانازیەکا مەزن ڤە ساخ بکەن ووەکو ئێک ژ دەستکەفتیێن پیرۆز سەرەدەریێ دگەل دا بکەن وبپارێزن.
ئەو ئازادیا ئەڤرۆ گەلێ کورد دناڤ دە دژی بەرهەمێ پەروەردا رێبەر وئەندازیارێ رێککەفتنا ١١ی ئادارێ وسیاسەتا ژیرمەندانە یا سەرۆک مسعود بارزانی وسەرکردایەتیا پارتیا مە بوویە لەوما گەلێ مە ئۆمێدەکا مەزن هەیە لدەمەکی نێزیک ولسەر دەستێ سەرۆک بارزانی مللەتێ کورد دێ ب وەلاتەکی سەربخۆ شادبیێ و کوردستان وێ ببە وێزگەهەکا ئارام ژبۆ تەڤایا مللەتێ کورد.
سلاڤ لسەر گیانێ پاکێ شەهیدێن کوردستانێ و سەروەرێ شەهیدان بارزانیێ نەمر و کاك ئیدریسێ هەدەم ساخ وهەر بەرز و بلند بێ ئالایێ پیرۆزێ کوردستانێ.
تُتاح هذه الصورة أيضا في: کوردی
