پشتی بۆرینا پێنچ سالان چ باشە بۆ ئاوارێن شنگال بێتە كرن؟
چنار شەمو قاسم 
پشتی بۆرینا نێزیكی پێنچ سالان بسەر كارەساتا شنگالێ دا و ئاوارەبوونا خەلكێ شنگالێ ئەرێ ما ب پێتڤی نینە ئێدی رێكە چارەیەك بۆ ڤان ئاواران بێت كرن؟،پشتی چۆنا گەلەك رێكخراوان ل كەمپێن ئاواران ئێدی گرنگی ب شێوەیەكی بەرچاڤ و پێتڤی ب ڤان ئاواران نائێتە دان و خەلك گەلەك گازندان دكن،ئەرێ ئەگەر چ بوون كو رێكخراوا ب فەر زانین كو ژ كەمپێن ئاواران ڤەگەرن وەلاتێ خۆ؟ ئەرێ رەوشا ماددی و مەعنەوی یا ئاواران تا ئاستەكی باشتر بوویە؟ هەتا نهۆ خەلكێ شنگالێ دناڤ ئەڤان خیڤەتان دا چ ژیانێ دبن سەری؟ ئەڤە و چەندین پرسیار بێ بەرسڤ ماینە،ب هەژی دبینم كو ئێدی حكومەت رێكە چارەیەكێ ل ڤی خەلكی بكت، و هەموو هەول و پێكولا بكت بۆ ڤەگەراندنا ئەڤان ئاواران بۆ جه و وارێن وان ،بەلێ ل دەستپێكێ پێتڤیە پلانەكا دارشتی هەبت ئەو ژی هەموو خزمەتگۆزاریێن ژیانێ وەك ئاڤ و كارەب و خواندنگەه و نەخۆشخانە و ئێمناهی بۆ ڤی خەلكی بێتە دابینكرن،هەردیسان قەرەبوویا مالێن وان بكن داكو شیان هەبن كو جارەك دی مالا خۆ ئاڤا بكن،ئەڤ خزمەتگۆزاری و قەرەبووكرن و هەر كێشەیەكا دی یا خەلكی یێ پێتڤی دێ ئێنە چارەسەركرن دماوەیەكی كێم دا ئەگەر حكومەت هەماهەنگیێ دگەل هندەك رێكخراوان بكت كو تایبەت بن ب چارەسەركرنا ئەڤان كێشەیان،هەروەكی چاوا كو ل دەستپێكا ئاوارەبوونێ ئەڤ چەندە ژبۆ خەلكێ ئاوارە هاتیە كرن وەك ئاڤاكرنا كەمپان و هەردیسان دابینكرنا تشتێن پێتڤی بۆ كاڤلان ،ئەڤ چەندە دێ بتە ئەگەر كو خەلك ئێدی لبەر گەرما ڤێ هاڤینێ و زڤستانا سار قورتال ببن چنكو ئەڤە پێنچ سال دەرباز بوون و هێش تشتەك ژبۆ ڤەگەراندنا ڤان ئاواران نەهاتیە كرن.
تُتاح هذه الصورة أيضا في: کوردی
