72 سالێن كوردایەتیێ بناڤێ پارتی دیموكراتی كوردستان
مەهدی حەسەن موراد
پارتی رێبازا راستەقینە یا ژ مللەتی دروست بووی و ل پێناڤێ مللەتی كەفتیە قادا خەباتێ و تێكۆشینێ،و هێزا خۆ ژ مێژوویا درێژا خۆ وەرگرتیە،دیسا گەلەك سەرفەرازی و نشیڤی دیتینە ل پێناڤێ كوردایەتیێ و رزگاركرنا كوردستانێ،بێ ڤەقەتیان پارتی درێژە ب خزمەت و خەباتا شۆرەشگێری دایە،دوژمنا ب هەموو شیانێن خۆ هەول داینە تەنها پارتی ژناڤ ببەن و پارتی ئانكو كوردستان لێ پارتی هەر خۆراگر و سەركەفتی مایە.
هەر داڤەكا هاتیە ڤەدان بۆ پارتی ژلایێ داگیركەر و دوژمنا پارتی ب سەركەفتیانە دەرباز بوویە و دوژمن پۆشمان بوویە ژ ئەنجامێن دژایەتیكرنا پارتی ل داویا هەر پیلانەكێ ب دەسكەفت بۆ پارتی ڤەگەریایە،كوردایەتیا راست و دروست ئەوە پارتی دیموكراتی كوردستان پەیرەو دكت بۆ سەربەخۆبوونا كوردستانێ و دەولەتبوونێ لەوا ژی هەموو پێكهات و تەخ و چینێن جەماوەری ل هەر چار پارچێن كوردستانێ رۆلێ خۆ دناڤا ڤێ پارتا بارزانی دا دگێرن و بەرسنگێ هەموو پیلانێن نێڤ دەولەتی و هەرێمی د سەكنن بۆ مانا گەلێ كورد و كوردستانێ،پارتی ئیرادا گەلەكی ئازاد و سەربەستە لەوما هەتا ئیرۆ رۆژ مایە سەربەست، ئەڤ پارتە لسەر دەستێ بابێ روحی و نەتەوەیی بارزانیێ نەمر مەلا مستەفا هاتی یە دامەزراندن ل ساتە وەختەكی كو هیچ ئۆمێدەك دناڤ دلێ تاكە كوردەكی دا نەمایی،پشتی شكەستنا زنجیرەكا شۆرەشێن كوردی ئێك لدوڤ ئێكێ خیانەت و خیانەتكار و دروشمێن بریقدار و ناوچەگێری و یاریكرن ب گەلێ شۆرەشگێر و بێ ئارمانج ،گەنج و لاو وشۆرەشگێرێن كوردستانێ دان كوشتن و زەرەر و زیان د گەهاندنە مللەتی، ل وی ساتە وەختی گەلێ كورد ما تەپەسەر و هێدی بێ هیڤی مان ژ پارت و كۆمەلە و بزاڤێن هەین ل وی وەختی جارەك دی خەباتێ بكن هندی هند هەول دان و هەر شكەستن ئینان و نە گەهشتن ئارمانجا،تەنها ل دەڤەرا بارزان بارزانیا باوەریەكا مەزن ب رێبازا بارزانیا هەبوو ژبۆ رزگاركرنا ئاخا كوردستانێ و ئازادكرنا مرۆڤێ كورد و سەرهەلدانا شۆرەشێن بارزان و گیان فیدایا بارزانیا ،ئۆمێدەك دن بۆ گەلێ كوردستانێ ب گشتی دروستكرن وئەڤ بزاڤا بارزانیا بوو ئۆمێدا مللەتێ كورد و كوردستانێ، لسەر بنەمایێ شۆرەشگێری یێ گەلێ كورد و شۆرەشێن مالا بارزان ئەڤ پارتیا هاتیە دامەزراندن كو بناغێ وێ ژ پولایی هاتە دروستكرن،ئەڤە (72) سالە لسەر ئاستێ عێراقێ و كوردستانێ پارتا ئێكێ ب رێكخستن و جەماوەرێ خۆڤە سەرەرایی ئەو دژایەتیا هەر چار دەولەتێن هەرێمی وئەرەب و تورك و فارسێن شوڤێنی ل هەر جیەكی دوژمناتیا راستە و راست یا پارتی دكن دگەل دیڤەلانكێن كوردێن خاین و پارتێن لسەر دەستێ وان هاتین دروستكرن بۆ نەما پارتی،لێ پارتی و بارزانی هەر مان سەركێشێن بزاڤا ئازادیخوازا گەلێ كورد و كوردستانێ،دڤێت بزانین پارتی كوردایەتیا دروستە هەر دەمەكی پارتی شكەست بت بزاڤا كوردی نەمایە دیسا بەروڤاژی هەر سەركەفتنەكا ب دەست گەلێ كورد كەفتیە لسەر دەستێ پارتی و بارزانی بوویە،بەلگە ژی باوەریا جەماوەرێ كوردستانێ ب هەموو پێكهاتێن خۆڤە دایە پارتی،ژبەركو رۆژا هاتیە دامەزراندن ل (16)ی تەباخا سالا(1946)ێ لسەر دەستێ بابێ رۆحی و نەتەوەیی یێ كورد(مەلا مستەفا بارزانی) بۆ دوو ئارمانجا بوویە،ئەو ژی بۆ رزگاركرنا كوردستانێ لژێر دەستێ داگیركەرا و ئازادكرنا مرۆڤێ كورد بوویە،بۆ بدەستڤەئینانا ڤان هەر دوو ئارمانجا مرۆڤێن ژیر و باوەری پێكەر و كورد پەروەر و خەباتەكا بەردەوام و قوربانی دان بسەر و مالی و بیروباوەرێن موكم ب كوردایەتیێ دڤێن ،خۆبدەن پێش و ڤی بارێ گران هلگرن ،ژبەركو گەلێ كوردستانێ دگەلەك قۆناغێن سەخت و دژوار دا دەرباز بووینە و گەلەك سەرفەرازی و نشیڤی دیتینە.
دەمێ پارتی دیموكراتی كوردستان هاتیە دامەزراندن ژ مللەتی هاتە دروستكرن و هەر كەسەكی خۆ ب كورد زانی گەهتیە ناڤ رێزێن پارتی و چەكێ شەرەفێ هلگرتیە و كوردایەتی كریە و ئێك رێزیا ناڤ مالیا كوردستانێ دروستكر ژ خانەقین تا زاخۆ ب سەرۆكاتیا بارزانیێ نەمر، جارەكا دی باوەری بۆ مللەتی هاتە دروستكرن و گەلێ كوردستانێ ب هەموو پێكهاتێن خۆ ڤە یێن ئۆلی و نەتەوەیی گەهتنە ناڤ رێزێن پارتی و هاتە بەر بەلاڤكرن و ناسین ب پارتا كوردایەتیێ ل سەرانسەری كوردستانێ و ژ هەر چار پارچێن كوردستانێ گەهشتن ناڤ رێزێن پارتی و كەتن خەباتێ ل پێناڤێ(یان كوردستان یان نەمان)،و ل شۆرەشا ئەیلولا مەزن بۆ جارا ئێكێ داگیركەرێن كوردستانێ ب فەرمی حكومەتا عێراقێ دانپێدان ب مافێ گەلێ كوردستانێ كرن وەك نەتەوەكا جودا ل عێراقێ و بەیانا (11)ی ئادارێ هاتە ئیمزاكرن دیموكراتیەت بۆ عێراقێ و ئۆتونومی بۆ كوردستانێ،كەد و خەباتا پارتی هەر ل دەستپێكێ لسەر بنەمایەكی شۆرەشگێری ونەتەوەیی ومفا وەرگرتن ژ شۆرەشێن كوردی و شۆرەشێن بنەمالا بارزان هاتبوویە دروستكرن و پارتیا هەموو پێكهاتێن كوردستانێ و تەخ و چینێن كوردستانێ بوویە ،وهەر كەسەكی نشتیمان پەروەر جیێ خۆ دناڤ دا دیت و كەفتنە قادا خەبات و تێكۆشینێ وبەرسنگێ رژێم و دەسهەلاتێن حكومەتا عێراقێ ئێك لدوڤ ئێكێ گرتن و شیان هەر سەردەمەكی ب شێوەكی داخازا مافێ چارەنڤیسێ گەلێ كوردستانێ بكن بەلێ ل هیچ دەمەكی پارتی دیموكراتی كوردستان دەستبەرداری ئاخا كوردستانێ نەبوویە بەلكی شێوێ ئیداری دگەل حكومەتا عێراقێ ژ ئۆتونومی بۆ فیدرالی و كونفدرالی و سەربەخۆیێ هاتیە گهۆرین،بەلێ ل هەموو قۆناغا هەر ئەردێ كوردستانێ هەموو داخازا كریە و تەنازل ژ بۆستەكا ئاخا وەلاتی نەكریە و ناكت ژبەركو رۆژا هاتی دامەزراندن بۆ رزگاركرنا كوردستانێ و ئاخا كوردستانێ بوویە پارتی ئەڤە (72) سالە تەنازل ژ ئارمانجەكا خۆ نەكریە،ئەگەر توو تەماشەی دانوستاندنێن ل سەردەمێ عبدولكەریم و عبدولسەلام و عبدولرەحمان و بەیانا(11)ی ئادارێ بكەی هەمان داخازێن دانوستاندنێن سالا (1991)ێ دگەل سەدام حسێن و ئەگەر توو بەرێ خۆ بدەیە داخازێن مە دگەل حكومەتا بەغدا پشتی ئازادیا عێراقێ هەر ئەو داخازینە و چۆنا شاندێ‌مە بۆ بەغدا سبەی ژی هەمان داخازینە ئەڤ داخازی ژی بۆ ڤەگەراندنا ئاخا كوردستانێ یا داگیركری بۆ نموونە شنگال و كەركووك و دەڤەرێن ڤەقەتیایی ل كوردستانێ شەرێ مە پارتی دگەل مەلكی و عبدولكەریم قاسم و عبدولسەلام و عبدولرەحمان و ئەحمەد حەسەن بەكر و سەدام حسێن و مالكی وعەبادی وحەشدا شەعبی هەر ئەڤ ئەردێ ڤەقەتیایە،نهۆ ژی ئەگەر ئەردێ كوردستانێ دەست درێژی بێتە كرن ئەم ئامادەین وەك پارتی دیموكراتی كوردستان ب سەرۆكاتیا مەسعود بارزانی شەرەكی دی بكەین هەر بۆ زانین.
پشتی ڤان شەرا و هندە سالا ئەڤ دەرەدەسەری و قوربانی و مالوێرانی بسەرێ مە هاتین بەلێ ئەڤ رژێمێن گۆربەگۆر هەر چ چەك و تۆپ وتانك و فرۆكە هەین ئیناینە سەر گەلێ مە و هاتینە كیمیا بارانكرن و ئەنفالكرن و تەعریب كرن،پارتی هەر رژدە لسەر ئارمانجێن كوردایەتیێ سەرەرای بەرسنگگرتنێن هەر چار دەولەتێن داگیركەر و دیڤەلانكێن دوژمنا ،پارتی هەر ما خودانێ پرۆژێ دەولەتبوونێ و رزگاركرنا كوردستانێ وئازادكرنا مرۆڤێ كورد ل(25/9/2017)ێ ریفراندۆم ژی ئەنجام دا و(92%) ژ گەلێ كوردستانێ گۆتن بەلێ بۆ دەولەتا سەربەخۆ و دگەل پرۆژێ سەرۆك بارزانی و دەولەتا كوردی بوون،لێ جیێ داخێ بوو ل(16)ی ئوكتۆبەرێ جارەك دن تاقمەكی ئێكەتی خۆ دا بن كفشێ دوژمنا و كوردستان دا دەستێ داگیركەرا، وهەموو پارت و لایەنێن دیتر خۆ ژ سەربەخۆیا كوردستانێ ڤەقتاندن تەنها پارتی ما ل مەیدانێ و تەنازل ژ سەربەخۆیا كوردستانێ نەكرن،لێ ئەنجامێن هەلبژارتنێن پەرلەمانێ عێراقێ جارەك دی پارتی بوو پارتا ئێكێ لسەر ئاستێ عێراقێ و كوردستانیێ و نەیارێن پارتی شەرمەزار بوون،بژیت پارتی و بارزانی یادا(72) سالیا دامەزراندنا پارتی دیموكراتی كوردستان پیرۆزە و هەر سەركەفتی دێ مینت پارتا كوردایەتیێ.
تُتاح هذه الصورة أيضا في: کوردی
