ساخكرنا رۆژا جیهانی یا ژنان
سامیا شنگالی
ئەڤ رۆژە كو دكەفتە(8)ی هەیڤا سێ هات ناسكرن كو مافێ ژنێ ل جیهانێ دە هەبت وبێتە بجهئینان ب هەموو رەنگا وەكو زانست وببتە خوندەڤان دا پاشەرۆژا وێ گەش ببت ژهەموو ئالیەكی ڤە چ جڤاكی و كۆمەلایەتی و رەوشەنبیری وهۆنەری وسیاسی،ژنان شیان و هزرێن خۆ یێن هەین هەر تشتەكی دكارن ب دەست خۆ ڤە بینن ل هەموو وەلاتان پشتەڤانیا ژنێ تێتە كرن نە ب تنێ ژنێ دبینن بەر مالیا مالێ و خودانكرنا زارۆكا،بەلكی وەكی گشتا وەلاتەكی هەموویێ ب رێڤە دبە ئانكو ل جیێ سەرۆكاتیێ دا هاتیە وەرگرتن و دەنگێ وێ تێتە قەبوول كرن،ئەڤە هەموو بۆ ژنێ هات قەبوول كرن ژبەر ئەو زۆری و زۆرداریا لێ هاتیە كرن ل وەلاتێن ئەورۆپا.
لڤێ رۆژێ دا كەس نزانت ب چ رەنگی ناڤێ ژنا ئێزدی بینت سەر زمان ژبەر یا بسەرێ وێ هاتی ل دیرۆكا جیهانێ دا كەسی ئەو زۆری و زۆرداری نەدیتیە،ئەڤە بوو چار سال وهەتا ڤێگاڤێ مافێ وێ وندا بوویە و ل رۆژا ژنان یا جیهانی دەنگێ ژنا ئێزدی ل دیوارێن زیندانێن سووریا و رەققە و مووسلێ ڤەدا ل بن دەستێ تیرۆرستێن داعش و رۆندكا ژ وان دەرگەهێ گرتی دا تێن خوار و هێشتا ژ سیاسەتمەدار وپەرلەمانتار جاڤ گرتینە و جیهان بێ دەنگ بوویە و دەنگ ناكت وژیان تاری بوویە،لەوما ئەڤ رۆژ لجەم مللەتێ ئێزدی تێتە ناسكرن رۆژك رەش وپشتی ڤان نەخۆشیا هەموو جارا ژنا ئێزدی سەرێ خۆ نەچەماند و بەردەوامی دا ژیانا خۆ دا جارەك دی نەبا قوربانی وكارت خزمەتا مللەتێ خۆ بكت ب هەر تشتەكی چاوا چیایێ شنگالێ مایە ونەهاتیە هەلوەشاندن لبەر(74) وەسا ژنا ئێزدی ژی وێ مینت ونامرت و دێ خۆراگربت.
ئیرۆ ژنا ئێزدی بوویە چالاكڤان ودەنگێ مللەتێ خۆ ل هەموو جیهانێ وبوویە شەرڤان لسەر چیایێ شنگال وخوندەڤان،پێتڤیە ئەڤ رۆژە نەك سالێ جارەكێ بت ژن هێژایە هەموو رۆژێن سالێ جەژن بن،ژبەر ئەو دەیك وپیرۆزترێن ژناڤێ دەیكێ نینە ئەو خوشكا خۆشترین ژ هەبوونا خوشكێ نینە ئەو كچا جوانیا وەلاتی وەكی گولێ رەنگ ب رەنگ ددا وئەگەر ئەم بێژن ئاڤ ئاڤانیە پێتڤیە ئەم بێژن ژن ژیانە.
تُتاح هذه الصورة أيضا في: کوردی
